અંડરવર્લ્ડ ડોન રવિ પુજારીને ગુજરાત લાવવામાં આવશે. આ મામલે રાજ્ય સરકારે પ્રયાસ પણ હાથ ધર્યા છે. ગૃહ વિભાગે આફ્રિકન સરકારને એક પત્ર લખ્યો છે. જેમાં રવિ પુજારીને ગુજરાત લાવવા માટેની માગ કરવામાં આવી છે. રવિ પુજારી પર કરોડો રૂપિયાની ખંડણીનો આરોપ લાગ્યો છે. જેમાં ઉદ્યોગપતિઓ અને રાજનેતાઓ પાસે ખંડણી માગવાનો પણ આરોપ છે.
રાજ્ય સરકારના રવિ પુજારીને ગુજરાત લાવવા પ્રયાસ
રાજ્યના ગૃહ વિભાગે આફ્રિકન સરકારને લખ્યો પત્ર
રવિ પુજારી પર કરોડો રૂપિયાની ખંડણીના છે આરોપ
રવિ પુજારીને ઝડપવામાં ગુજરાત ATSનું મહત્વનું યોગદાન રહ્યું હતું
કુખ્યાત ડોન રવિ પુજારીને ઝડપવામાં ગુજરાત ATSનું મહત્વનું યોગદાન રહ્યું હતું. સમગ્ર ઓપરેશનમાં બેંગલોર પોલીસના સતત સંપર્કમાં ATS હતું. આફ્રિકાના સેનેગલમાં રવિ પુજારી અંડરગ્રાઉન્ડ હતો. જો કે હાલમાં રાજ્ય સરકારના પ્રયાસ બાદ ગુજરાત ક્રાઇમબ્રાંચ રવિ પૂજારીની કસ્ટડી મેળવે તેવી શક્યતા છે. ક્રાઇમ બ્રાંચમાં રવિ પુજારી સામે અનેક ગુના નોંધાય છે.
રવિ પુજારીની પશ્ચિમ આફ્રિકાથી કરાઇ હતી ધરપકડ
અન્ડરવર્લ્ડ ડોન રવિ પુજારીની પશ્ચિમ આફ્રિકાથી ધરપકડ કરવામાં આવી હતી. અંદાજે છેલ્લા 15 વર્ષથી ફરાર અન્ડરવર્લ્ડ ડોન રવિ પુજારીને બેંગ્લોર પોલીસે પશ્ચિમ આફ્રિકાથી ઝડપી પાડ્યો હતો. રવિ પુજારી પર ગુજરાતના પણ કેટલાંય ઉદ્યોગપતિઓ પાસે ખંડણી માગી હોવાનો આરોપ છે. રવિ પુજારી ભારતમાં 60થી વધુ કેસમાં વોન્ટેડ છે. સેનેગલ પોલીસની મદદથી રવિ પુજારીને 22 જાન્યુઆરીએ ઝડપી પાડવામાં આવ્યો હતો.
કોણ છે અંડરવર્લ્ડ ડોન રવિ પુજારી?
રવિ પુજારી ઓસ્ટ્રેલિયામાં રહેતો હતો. તેના પર ધમકી, ખંડણી માગવાનો આરોપ લગાવામાં આવ્યો છે. તેને દાઉદના ભાઇ પર હુમલો કરાવ્યો હતો. જ્યારે બોલિવુડ સેલિબ્રિટીઓને ધમકી આપી હતી. બોલિવુડના અભિનેતાઓમાં અક્ષય કુમાર, વિવેક ઓબરોયને ધમકી આપી હતી. સલમાન ખાન, શાહરૂખ ખાન પાસે ખંડણી માગી હતી. જ્યારે ગુજરાતની વાત કરીએ તો અમદાવાદના બિલ્ડર પાસે 5 કરોડ માગ્યા હતા. જ્યારે આણંદના એક વ્યક્તિ પર ફાયરિંગ કરાવ્યું હતું.