હેલ્થ / શિયાળામાં ડિપ્રેશન આવવા પાછળનું કારણ શું? જેનાથી અચાનક મુડ ખરાબ થઈ જાય છે

કેમ આવે છે વિન્ટર ડિપ્રેશન

ઠંડી વધવાથી શરીરમાં બનતા હોર્મોન સેરોટોનિન અને મેલાટોનિનની માત્રા ઘટી જાય છે. તેની સીધી અસર દિમાગ પર પડે છે. આ સાથે જ ઠંડીમાં તડકો પણ ઓછો મળે છે. તેથી શરીરની બાયોલોજિકલ ક્લોક પણ બગડી જાય છે. તેનાથી ડિપ્રેશન આવે છે. દર્દીને કોઇ કામમાં મન લાગતુ નથી. 

ઉપાય શું કરી શકાય

નિયમિત પણે, શક્ય હોય તો રોજ સવારે તડકામાં બેસવુ જોઇએ. ઘણા સંશોધનોમાં કહેવાયુ છે કે વિટામીન ડીની ઉણપથી પણ તણાવ વધી શકે છે. જો વિટામીન ડી નિયત પ્રમાણમાં મળતુ રહે તો તણાવ ઘટી શકે છે. રેગ્યુલર એક્સર્સાઇઝ કરવી ખુબ જરુરી છે. તેનાથી બ્લડ સર્ક્યુલેશન સારુ રહે છે અને ડિપ્રેશન આવતુ નથી. ડિપ્રેશનના રોગી હોય તે દવા લેવાનું ન છોડે. વિંટરમા તો ખાસ નહીં. હેલ્ધી ડાયેટ પણ લેવુ ખુબ જરુરી છે. હેલ્ધી ડાયેટથી તમે ઘણી સમસ્યાઓ દુર કરી શકો છો. 

ઇલાજ શું હોય છે

આ રોગમાં દવાઓની સાથે વિશેષ ફોટોથેરેપી આપવામાં આવે છે. તેમાં સુર્યના કિરણો જેવી લાઇટ હોય છે. આવા રુમમાં દર્દીને થોડો સમય રાખવામાં આવે છે. તેનાથી તેનો મુડ સુધરે છે અને ડિપ્રેશન ઘટે છે.