રેલ સેવા બાદ હવે હવાઈ સેવા શરૂ કરવાની તૈયારી ચાલી રહી છે. આ મામલે આજે એટલે કે સોમવારે DGCA, બ્યુરો ઑફ સિવિલ એવિએશન સિક્યુરિટી ઑફિસ, એરપોર્ટ ઑથોરિટી ઑફ ઈન્ડિયા, દિલ્હી ઇન્ટરનેશનલ એરપોર્ટ લિમિટેડ અને CISFની સંયુક્ત ટીમે દિલ્હી એરપોર્ટની મુલાકાત લીધી છે.
નાગરિક ઉડ્ડયન મંત્રાલયની એક સંયુક્ત ટીમે (DGCA, બ્યુરો ઑફ સિવિલ એવિએશન સિક્યુરિટી ઑફિસ, એરપોર્ટ ઑથોરિટી ઑફ ઈન્ડિયા, દિલ્હી ઇન્ટરનેશનલ એરપોર્ટ લિમિટેડ અને CISF) ફ્લાઇટ્સ ફરી શરૂ થાય તે પહેલાં દિલ્હી એરપોર્ટની મુલાકાત લીધી હતી અને તેની તૈયારીઓની વિસ્તૃત વિગતો આપી હતી.
DAILના રિપોર્ટ અનુસાર, આર્ટ ફેકલ્ટીની શરૂઆત કરવામાં આવશે, જે તમામ ટ્રોલીઓ અને ટ્રેને વાયરસ ફ્રી કરી દેશે. મુસાફરોની બેગ વાયરસ મુક્ત બનાવવા માટે DAIL એ દિલ્હી એરપોર્ટના ટર્મિનલ 3 પર UV ટનલ પણ બનાવી છે. UV સ્કેનીંગ પ્રક્રિયા અને બૅગ રિક્લેમના હાલતના લાઈવ સીસીટીવી ફીડ્સ ઉપલબ્ધ કરાશે.
આ ઉપરાંત દિલ્હી એરપોર્ટ પર મોબાઈલ ડિસઈન્ફેક્ટિંગ ટાવર પણ બનાવવામાં આવ્યા છે. જ્યારે, 336 ઑટોમેટિર હેન્ડ સેનિટાઈઝર ડિસ્પેન્સર મશીનો લગાવવાની પ્રક્રિયા પણ તબક્કાવાર રીતે શરૂ થઈ છે. એરપોર્ટ પર વૉશરૂમ, ટર્મિનલ બિલ્ડિંગ અને મુસાફરોના ટચ પોઇન્ટ્સની નિયમિત રૂપે સ્વચ્છતા કરવાની પ્રક્રિયા પણ શરૂ થઈ ગઈ છે.