ચાંદા મામાનું રહસ્ય / ચંદ્ર પર જે ઠેકાણે માનવો ઉતર્યાંતાં ત્યાં મળી ગુફાઓ, વૈજ્ઞાનિકો ડોલી ઉઠ્યાં, શું કામમાં આવશે?

વિશ્વભરના દેશો ચંદ્ર પર વિવિધ ઉપગ્રહો અને યાન મોકલીને વિવિધ પ્રકારના રહસ્યો ખોલી રહ્યા છે. ગયા વર્ષે ઈસરોએ ચંદ્રયાન-3ને ચંદ્રના દક્ષિણ ધ્રુવ પર ઉતારીને ઈતિહાસ રચ્યો હતો. ચંદ્રયાન-3 એ ચંદ્ર પર પાણી, સલ્ફર સહિત ઘણી મહત્વપૂર્ણ વસ્તુઓ શોધી કાઢી છે અને સાબિત કર્યું છે કે ચંદ્ર ભવિષ્યમાં મનુષ્ય માટે રહેવા યોગ્ય વિકલ્પ બની શકે છે. આ ક્રમમાં વૈજ્ઞાનિકોએ ચંદ્ર પરથી વધુ એક સારા સમાચાર આપ્યા છે. વૈજ્ઞાનિકોએ ચંદ્રમાં મનુષ્યો માટે રહેવા યોગ્ય જગ્યા શોધી કાઢી છે. ઈટાલિયન વૈજ્ઞાનિકોએ ચંદ્ર પર એક વિશાળ ગુફા શોધી કાઢી છે. આ સ્થાન 55 વર્ષ પહેલા નીલ આર્મસ્ટ્રોંગ અને બઝ એલ્ડ્રિનના ઉતરાણ સ્થળથી થોડે દૂર આવેલું છે. આ સ્થાન પર સેંકડો ગુફાઓ હોઈ શકે છે.

અવકાશયાત્રીઓને રહેવાના કામમાં આવી શકે

વૈજ્ઞાનિકોનું માનવું છે કે ચંદ્ર પર જે જગ્યાએ એક વિશાળ ગુફા મળી આવી છે, ત્યાં આવી સેંકડો વધુ ગુફાઓ હોઈ શકે છે જેનો ભવિષ્યમાં અવકાશયાત્રીઓ માટે આશ્રય તરીકે ઉપયોગ કરી શકાય છે. ઇટાલિયન વૈજ્ઞાનિકોની આગેવાની હેઠળની એક ટીમે સોમવારે જણાવ્યું હતું કે ચંદ્ર પર એકદમ મોટી ગુફા હોવાના પુરાવા મળ્યા છે. તે Apollo 11 લેન્ડિંગ સાઇટથી માત્ર 250 માઈલ (400 km) દૂર 'Se of Tranquility'માં છે. આ ગુફા લાવા ટ્યુબ (ટનલ આકારની રચના) પીગળવાથી બનેલી છે આવી ત્યાં 200 ગુફાઓ છે.

ગુફાના દ્વાર જ માહિતી મળી

સંશોધકોએ નાસાના લુનર રિકોનિસન્સ ઓર્બિટર દ્વારા એકત્રિત રડાર ડેટાનું વિશ્લેષણ કર્યું અને પરિણામોની તુલના પૃથ્વી પર સ્થિત લાવા ટ્યુબ સાથે કરી. તેના તારણો 'નેચર એસ્ટ્રોનોમી' જર્નલમાં પ્રકાશિત થયા છે. વૈજ્ઞાનિકોના મતે, રડાર ડેટાથી ગુફાનું માત્ર પ્રારંભિક બિંદુ જાણી શકાય છે જે 40 મીટર પહોળું અને 10 મીટર લાંબું છે.

વધુ વાંચો : સ્ત્રી ચરિતર ! નખરાળી IAS પૂજાનો કલેક્ટર સામે યૌન શૌષણનો આરોપ, ટ્રાન્સફરનું વેર વાળ્યું કે?

મોટાભાગની ગુફાઓ ચંદ્રના પ્રાચીન લાવાના મેદાનોમાં

ઈટાલીની ટ્રેન્ટો યુનિવર્સિટીના લિયોનાર્ડો કેરર અને લોરેન્ઝો બ્રુઝોનું કહેવું છે કે ચંદ્રની ગુફાઓ 50 વર્ષથી વધુ સમયથી રહસ્ય હતી. તેથી, આખરે તેમાંથી એક વિશે જાણવું ખૂબ જ રોમાંચક હતું. મોટાભાગની ગુફાઓ ચંદ્રના પ્રાચીન લાવાના મેદાનોમાં છે. આ સિવાય ચંદ્રના દક્ષિણ ધ્રુવ પર કેટલીક એવી જ ગુફાઓ હોઈ શકે છે જ્યાં નાસાના અવકાશયાત્રીઓ આ દાયકાના અંતમાં પગ મૂકશે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ