નડિયાદમાં એક ચોંકાવનારો કિસ્સો પ્રકાશમાં આવ્યો છે. અહી એક એવી ગેંગનો પર્દાફાશ થયો છે જે પહેલા લોકો સાથે સારા સંબંધો કેળવીને તેમને વિશ્વાસમાં લે છે અને ત્યાર બાદમાં તેમને બ્લેકમેલ કરીને તેમની સાથે પૈસાનો તોડ કરે છે. તાજેતરમાં આ ગેંગે નડિયાદની સિવિલ હોસ્પિટલમાં એક ડૉક્ટરને ટાર્ગેટ બનાવ્યા હતા.
ડોકટરને ધમકાવીને પૈસાનો તોડ કરવાનો કાંડ
નડિયાદની સિવિલમાં ફરજ બજાવનાર ડૉક્ટરને કર્યા ટાર્ગેટ
ડૉક્ટરને કહ્યું," અમારી પાસે તમારો નગ્ન વિડીયો છે?"
નડિયાદની સિવિલ હોસ્પિટલમાં એમ. એસ. સર્જન તરીકે ફરજ બજાવતા ધીરેનકુમાર અરવિંદભાઈ શાહને હમણાં એક કડવો અનુભવ થયો હતો, તેમને એક એવી ગેંગ સાથે પનારો પડ્યો હતો જે પહેલા લોકો સાથે સારા સંબંધ બનાવીને તેમને વિશ્વાસમાં લેતી હતી અને પછીથી તેની સાથે પૈસાનો તોડ કરી લેતી હતી.
ડૉક્ટરને એક મહિલાનો કોલ આવ્યો હતો
એક મહિલા નામે પ્રફુલ્લ દરજીનો ડો. ધીરેન શાહને કોલ આવ્યો હતો, અને આ મહિલાએ ડૉક્ટરને તેમના ઘરે એક દર્દી બીમાર હોય તેને ચેકઅપ આક્રવા માટે આવવા કહ્યું હતું. દર્દીની સારવારના હેતુસર પ્રફુલ્લાની વાત જાણીને ડોકટર તેના ઘર ગયા. આ મહિલાનું ઘર પેટલાદના આશી ગામથી થોડે દૂર આવ્યું હતુ. આ ડોકટર તેના ઘરે ગયા ત્યારે પાછળથી એક અન્ય મહિલા નામે હેતલ બહેન આવી ગયા હતા અને દરવાજો બંધ કરીને તેમણે તેમના વસ્ત્રો ઉતારી દીધા હતા.
ડોકટરને મારપીટ કરીને પૈસા લૂટી લીધા
અચાનક જ ત્રણ શખ્સો ઘરમાં ઘૂસી આવ્યા હતા, અને ડોકટર સાથે મારપીટ કરીને તેની પાસે રહેલા 6100 રૂપિયા લૂંટી લીધા હતા. જેના પછી અને પાંચ લાખની માગણી કરી હતી...પરંતુ તબીબે તેમની પાસે પૈસા ન હોવાનું કહી મિત્ર ડો. ઘનશ્યામ સોઢા પાસેથી સવા લાખ રૂપિયા મંગાવ્યા હતા. જે ધીરૂભાઈ અને તબીબ બંને તેમની કાર લઈને પેટલાદ ચોકડી પાસે જઈને લઈ આવ્યા હતા. આમ ડૉક્ટર પાસેથી સવા લાખ અને 6100 રૂપિયાનો તોડ કર્યો હતો.
આ ઘટનાના થોડા દિવસ બાદ પ્રફુલ્લાએ ડોકટરને જાણ કરી હતી અને કહ્યું હતું કે, " સાહેબ હજુ તમારે 40 હજાર આપવા પડશે, કારણ કે હેતલબેનના પતિને આ વાતની જાણ થઈ ગઈ છે અને તેથી તમારે 40 હજાર રૂપિયા વધુ આપવા પડશે, જો તમે નહીં આપો તો તમારો નગ્ન વિડીયો વાયરલ કરી દઇશુ." આ ઘટના બાદ કંટાળીને ડોકટરે પોલીસ ફરિયાદ કરતા 6 વ્યક્તિની ધરપકડ કરવામાં આવી હતી.
કોની કોની ધરપકડ થઈ?
પ્રફ્લ્લા પ્રકાશ દરજી, શખુ ઉર્ફે શકુ પ્રવિણ ચાવડા, અફરોઝ ઉર્ફે હેતલ સૈયદ, ધીરેદ્ર ઉર્ફે ધીરુ લક્ષ્મણ સોલંકી, ગીરીશ કાંતિ સોલંકી અને ઈશ્વર ઝવેર પટેલ નામના આરોપીઓની પોલીસે ધરપકડ કરી હતી. અત્યાર સુધી આવા કેટલા લોકોને ફસાવીને આવી હનીટ્રેપ કરવાની સાજિશ કરી છે તે પોલીસ તપાસમાં બહાર આવી શકે છે.
ગીરીશ અને ધીરૂ બંને પત્રકારો છે. જેઓ ત્રણેય મહિલાઓની સારી રીતે ઓળખે છે. ઈશ્વર પટેલ નિવૃત માણસ છે અને તેના મોટાભાગના ખેતર વેચાઈ ગયેલા છે. આશી ગામનું ખેતર તેની માલિકીનું છે અને ત્યાં એક ઓરડી છે. ઓરડીમાં મોટાભાગે તમામ શખ્સો ભેગા મળી સોફ્ટ ટાર્ગેટ બનાવી હની ટ્રેપ કરતા હતા. અત્યાર સુધીમાં આવી કેટલી હનીટ્રેપ કરી છે પોલીસ તેની તપાસ કરી રહ્યા છે. હાલમાં તેમણે લીધેલા પૈસા કબ્જે લેવાના બાકી છે.