ચેરમેન અને મેનેજિંગ ડિરેક્ટરની ભૂમિકા અલગ કરવાના બજાર નિયામક SEBIના નિયમને કારણે રિલાયન્સ ઈન્ડસ્ટ્રીઝ ઈન્ફોસિસ TCS અને ભારતી એરટેલ સહિત 291 કંપનીઓએ 1 એપ્રિલ 2020 સુધી પોતાના બોર્ડ ઑફ ડિરેક્ટર્સમાં એક નૉન-વર્કિંગ ચેરપર્સનની પસંદગી કરવી પડશે.
વર્તમાનમાં ઘણી કંપનીઓએ CMD (ચેરમેન અને મેનેજિંગ ડિરેક્ટર)ના રૂપમાં બંને પદોને એકસાથે રાખ્યા છે જેના કારણે બોર્ડ ઑફ ડિરેક્ટર્સ અને મેનેજમેન્ટમાં ટક્કરની સ્થિતિ પેદા થઈ છે.
આ કંપનીઓમાં થશે ફેરબદલ:
SEBIના નવા નિયમો અનુસાર ટૉપ 500 કંપનીઓએ 1 એપ્રિલ 2020 સુધીએ સુનિશ્ચિત કરવું પડશે કે તેમના બોર્ડ ઑફ ડિરેક્ટર્સના પ્રમુખ (ચેરપર્સન) કૉઇ નૉન વર્કિંગ વ્યકિત જ હોય.આનાથી ચેરમેન અને મેનેજિંગ ડિરેક્ટર્સના પદ અલગ થઈ જશે. આ નિયમ કંપની પ્રશાસન પર સેબી દ્વારા નિર્મિત કોટક સમિતિની ભલામણોનો ભાગ છે. પ્રાઈમ ડેટાબેઝના આંકડા અનુસાર બજાર મૂડીરોકાણની રીતે નેશનલ સ્ટૉક એક્સચેન્જમાં ટોચની 500 કંપનીઓમાંથી 291 કંપનીઓ (58.2%)ને CEO/MD અને ચેરપર્સન પદને અલગ કરવાની સાથે-સાથે નૉન-વર્કિંગ ચેરપર્સનની પસંદગી કરવાની રહેશે. રિલાયન્સ ઈન્ડસ્ટ્રીઝ ઉપરાંત ઈન્ફોસિસ TCS ભારત એરટેલ ઉપરાંત હિન્દુસ્તાન યુનિલિવર ONGC કૉલ ઈન્ડિયા લાર્સન એન્ડ ટુબ્રો અને HCL ટેક્નોલૉજિસ જેવી મોટી કંપનીઓના બંને પદો અલગ-અલગ કરવાની જરૂર છે.
MD તરીકે અંબાણીએ વધાર્યો પોતાનો કાર્યકાળ:
ઉલ્લેખનીય છે કે આ મહીનાની શરૂઆતમાં રિલાયન્સ ઈન્ડસ્ટ્રીના મુકેશ અંબાણીએ કંપનીના મેનેજિંગ ડિરેક્ટર તરીકેનો પોતાનો કાર્યકાળ વધુ 5 વર્ષ માટે વધાર્યો છે. સાથે જ તે બોર્ડ ઑફ ડિરેક્ટર્સના ચેરમેન પણ છે. આ ઉપરાંત ભારતી એરટેલ અને TCSએ એપ્રિલ 2019 સુધીમાં બોર્ડ ઑફ ડિરેક્ટર્સમાં ઓછામાં ઓછી એક સ્વતંત્ર મહિલા ડિરેક્ટરની પણ પસંદગી કરવી પડશે.
કરવી પડશે મહિલાઓની નિમણૂક:
આ ઉપરાંત HDFC સ્ટેટ બેંક ઑફ ઈન્ડિયા ઈન્ડિયન ઑઈલ અને હિન્દુસ્તાન ઝિંકને પણ આવતા વર્ષ સુધી સ્વતંત્ર મહિલા નિદેશકની પસંદગી કરવી પડશે. NSEમાં રજિસ્ટર્સ ટોચની 500 કંપનીઓમાંથી 145 કંપનીઓએ (29 ટકા)એ એક એપ્રિલ 2019માં સ્વતંત્ર મહિલા ડિરેક્ટરની નિયુક્તિ કરવી પડશે.