વેચાણ / મોદી સરકારના રાજમાં ખાનગીકરણની રફતાર તેજ, ચાર કંપનીઓ વેચીને મેળવશે આટલા હજાર કરોડ

• મોદી સરકાર ડિસઇન્વેસ્ટમેન્ટ ઝડપી બનાવશે 
• આ વર્ષે 1.2 લાખ કરોડ રૂપિયા મેળવવાની છે યોજના 
• BPCL, SCI, CONCOR અને BEMLને વેચી શકે છે

સ્થાનિક શેરબજારની તેજીને ધ્યાનમાં રાખીને સરકાર નવેમ્બરના અંત સુધીમાં મોટા જાહેર ક્ષેત્રના ઉપક્રમો PSU ની બિડ પ્રક્રિયાને પૂરી કરવાની યોજના બનાવી રહી છે. ચાર મુખ્ય સરકારી કંપનીઓ  BPCL, શિપિંગ કોર્પોરેશન SCI, કન્ટેઈનર કોર્પોરેશન CONCOR અને BEML માં સરકાર હિસ્સો પોતાનો હિસ્સો વેચવા ધારે છે. 

માર્કેટની અસ્થિરતાને લીધે કંપનીઓના ભાવ ઘટ્યા છે

જોકે આ કંપનીઓના શેરના ભાવમાં ઘટાડો જોવા મળી રહ્યો છે. આ કેસ સાથે સંકળાયેલા બે વરિષ્ઠ અધિકારીઓએ કહ્યું છે કે સરકાર આ તક ગુમાવવા માંગતી નથી, કારણ કે બજારની અસ્થિરતાને કારણે કિંમતોમાં વધુ ઘટાડો થઈ શકે છે.

શુક્રવાર સુધીમાં, આ લિસ્ટેડ કંપનીઓમાં સરકારી હિસ્સોનું મૂલ્ય આશરે 56,214 કરોડ રૂપિયા હતું. એક મીડિયા રિપોર્ટમાં આ અધિકારીઓને ટાંકીને લખાયું હતું કે  BPCL અને CONCOR માં સરકારને વધુ સારા ભાવ મળવાની અપેક્ષા છે કારણ કે તેમાં વેપારની તક વધુ છે. વળી, આ બંને કંપનીઓની એસેટ પણ નોંધપાત્ર છે. 

ડિસઇન્વેસ્ટમેન્ટ લક્ષ્યાંકને પહોંચી વળવા  BPCLનું વેચાણ જરૂરી છે

ફેબ્રુઆરીના મધ્ય ભાગની તુલનામાં,  BPCL ના શેરમાં લગભગ 26 ટકાનો ઘટાડો છે. એ જ રીતે, CONCOR 32 ટકા,  BEML 34 ટકા અને  SCI 13 ટકા નીચે છે. આ કંપનીના સ્ટોકની કિમત હજી સુધી કોરોના પહેલાના લેવલ સુધી પહોંચી નથી. જાન્યુઆરીમાં સરકારનો 53 ટકા હિસ્સો હતો જેની કિમત આશરે 55,000 કરોડ રૂપિયા જેટલી હતી. 

જો કે હાલમાં તે 40,000 કરોડ રૂપિયા સુધી આવી ગઈ છે. અને સરકારનું આ વર્ષનું ડિસઇન્વેસ્ટમેન્ટનું લક્ષ્ય 1.2 લાખ કરોડ રૂપિયા એકત્રિત કરવાનું છે. ઇન્વેસ્ટમેન્ટ એન્ડ પબ્લિક એસેટ મેનેજમેન્ટ ડિપાર્ટમેન્ટ આ કંપનીઓ માટે બિડ માંગશે. 

અગાઉ કેન્દ્ર સરકારે એક્સપ્રેશન ઓફ ઇન્ટરેસ્ટ EOI માટેની સમયમર્યાદા 30 સપ્ટેમ્બરથી વધારીને 16 નવેમ્બર કરી હતી. હાલમાં, કેન્દ્ર સરકાર અર્થતંત્રમાં મૂડી લાવવા માટે વિવિધ વિકલ્પોની શોધ કરી રહી છે, તેથી ડિસઇન્વેસ્ટમેન્ટ દ્વારા ભંડોળ ઉભું કરવું મહત્વપૂર્ણ બની ગયું છે.

ક્રૂડ ઓઇલના ભાવ પર સરકારને આશા છે

કોરોનાના લીધે કાચા તેલની કિમતોમાં ઘટાડો થતાં સરકારને ખોટ ગઈ હતી, સરકારની કંપની CONCOR જે રેલવેની જમીનો પર ઓપરેટ કરી રહી છે, તેને લઈને ઉચ્ચ લાઇસન્સ ફી ની ઝંઝટના લીધે તેની બોલી લાગી શકી નહોતી, હવે રેલવે મંત્રાલય તેને લઈને એક નવી નીતિ સાથે આવવાની તૈયારીમાં છે અને સરકારને કાચા તેલની કિમતોમાં હજુ પણ રિકવરીની આશાઓ છે.