પાકિસ્તાનના પંજાબ પ્રાંતમાં 14 વર્ષીય એક યુવકે ઓનલાઈન ગેમ પબજીના પ્રભાવમાં આવીને પોતાની માં અને બે સગીર બહેનો સહિત આખા પરિવારની ગોળી મારીને હત્યા કરી દીધી. રાજધાની લાહોરની પોલીસે શુક્રવારે આ માહિતી આપી.
યુવકે પબજીના પ્રભાવમાં આવીને પરિવારના સભ્યોની કરી હત્યા
માં અને બે સગીર બહેનો સહિત આખા પરિવારની કરી હત્યા
યુવકે પોલીસ સમક્ષ કરી કબૂલાત, પબજીના કારણે કરી હત્યા
ગયા અઠવાડિયે એક જ પરિવારના સભ્યોના મળ્યાં હતા મૃતદેહ
ગયા અઠવાડિયે લાહોરના કાહના વિસ્તારમાં સ્વાસ્થ્ય કર્મચારી 45 વર્ષીય નાહિદ મુબારક, તેના 22 વર્ષના બાળક તૈમૂર અને 17 તથા 11 વર્ષની બે બહેનોના મૃતદેહ મળ્યાં હતા. પોલીસે એક નિવેદનમાં જણાવ્યું કે નાહિદ મુબારકનો 14 વર્ષીય દીકરો સુરક્ષિત હતો તે કથિત રીતે હત્યારો નિકળ્યો. નિવેદન મુજબ, 14 વર્ષીય યુવક પબજી રમવાનો શોખીન હતો અને તેણે કબૂલ કર્યુ કે તેણે ગેમના પ્રભાવમાં પોતાની માં અને ભાઈ-બહેનોની હત્યા કરી દીધી છે. દિવસમાં લાંબા સમય સુધી ઓનલાઈન ગેમ રમવાના કારણે તેને અમુક મનોવૈજ્ઞાનિક સમસ્યાઓ થઇ ગઇ છે.
પિતાએ દીકરાનો લીધો ઉધડો અને...
પોલીસે કહ્યું કે નાહિદ મુબારકના છૂટાછેડા થયા હતા અને અભ્યાસ પર ધ્યાન ના આપવુ તથા આખો દિવસ પબજી રમવાને લઇને પોતાના દીકરાને હંમેશા બોલતો હતો. નિવેદનમાં કહેવામાં આવ્યું છે, ઘટના ઘટી તે દિવસે નાહિદે દીકરાનો ઉધડો લીધો હતો. ત્યારબાદ યુવકે તિજોરીમાંથી પોતાની માતાની પિસ્તોલ નિકાળી અને નાહિદને અને પોતાના અન્ય ત્રણ ભાઈ-બહેનોની ગોળી મારીને હત્યા કરી દીધી.
દીકરાએ કહ્યું, મને કશું ખબર નથી
નિવેદન મુજબ, બીજી સવારે યુવકે જ્યારે બૂમો પાડી અને પાડોશીઓએ પોલીસને ફોન કર્યો. તે વખતે યુવકે પોલીસને જણાવ્યું કે તે ઘરના ઉપરના માળે હતો અને તેને ખબર નથી કે તેના પરિવારની હત્યા કેવીરીતે થઈ.