ક્રિકેટ / CRPF જવાનના દીકરાએ વર્લ્ડ કપમાં ભારતીય ટીમને સેમીમાં પહોંચાડી, પિતા બોલ્યા, ગઈ કાલે મને કોઈ ઓળખતુ ન હતું, આજે...

• અંડર-19 વિશ્વ કપની સેમિફાઈનલમાં ભારતનું સ્થાન પાક્કુ
• ડાબોડી ફાસ્ટ બોલર રવિ કુમારે આક્રમક બોલિંગ કરી 
• રવિ કુમારના પિતા CRPF કેમ્પમાં તેનાત, પિતાનું ગૌરવ વધ્યું

રવિના એએસઆઈ પિતા રાજેન્દ્ર સિંહ CRPF કેમ્પમાં તેનાત

કારણકે રવિના એએસઆઈ પિતા રાજેન્દ્ર સિંહ આ કેમ્પમાં તેનાત છે. જો કે, બે દિવસ પહેલાં રવિના પિતાને આ કેમ્પમાં ખૂબ ઓછા લોકો ઓળખતા હતા. પરંતુ દીકરાએ ભારતને અંડર-19 વિશ્વ કપની સેમિફાઈનલમાં પહોંચાડ્યા બાદ તેના પિતાને સૌ કોઈ ઓળખતા થઇ ગયા છે. પિતા રાજેન્દ્ર સિંહે એક અખબાર સાથેની વાતચીતમાં જણાવ્યું, આજે આખા સીઆરપીએફ કેમ્પમાં ફક્ત મારી અને મારા દીકરા રવિની વાતચીત થઇ રહી છે. ગઇકાલ સુધી તો મને કોઈ ઓળખતુ ન હતુ. પરંતુ આજે બધા ઓળખે છે. હવે રવિના પિતા રાજેન્દ્રની આખા યુનિટમાં ચર્ચા થઇ રહી છે. બધા લોકો પણ મને ઓળખી રહ્યાં છે અને તેમણે ફોન કરીને મને અભિનંદન પણ પાઠવ્યાં છે. મારી પાસે પોતાની ખુશી દર્શાવવા માટે કોઈ શબ્દ નથી. 

રવિએ માંને કહ્યુ હતુ, એક દિવસ મને ટીવી પર આવશ્ય જોશો

આ દિવસની ઉજવણી કરવા માટે પિતા-પુત્રની જોડીએ અનેક અડચણોને પાર કરીને જવુ પડ્યુ. જેમાં પિતાની આવક, માંની ચિંતા અને લોકોની નિંદાનો સમાવેશ થાય છે. માં રવિની દર વખતની ક્રિકેટ રમતને લઇને ચિંતા કરતી હતી. તે ઈચ્છતી હતી કે રવિ અભ્યાસ પર ધ્યાન આપે. પરંતુ રવિને ક્રિકેટનું ઝૂનુન હતુ અને તમામ વાતચીતથી બેફિકર થઈને હંમેશા માંને કહેતો હતો કે તમે મને આજે રમતા રોકી રહ્યાં છો, પરંતુ એક દિવસ એવો આવશે કે તમે મને ટીવી પર રમતા જોશો અને રવિની આ વાત આજે હકીકતમાં ફેરવાઇ છે. પિતા રાજેન્દ્ર સિંહને પણ મોબાઈલ પર ભારત-બાંગ્લાદેશનો ક્વાર્ટર ફાઈનલ મુકાબલો જોતા હતા ત્યારે વાત યાદ આવી હતી. 

પિતા પણ રવિના ભવિષ્યને લઇ ચિંતિત હતા

રાજેન્દ્ર સિંહને આજે પણ જૂનો સમય યાદ છે, જ્યારે તેઓ રવિના ભવિષ્યને લઇ ચિંતિત હતા. તેમણે કહ્યું, મારી પાસે આટલા પૈસા અને સંસાધન ન હતા કે હું રવિના ભારત માટે રમવાના સપનાને પૂર્ણ કરી શકુ. પરંતુ રવિની જિદ અને સમર્પણ જોઈને પણ હું કશુ કરી શક્યો નહીં અને દીકરાને ફક્ત એટલું જ કહેતો હતો, જો તમારામાં તાકાત હશે તો ભારત માટે આવશ્ય રમશો.