BREAKING / મધ્ય પ્રદેશના ખંડવામાં મુસાફરો ભરેલી બસ નદીમાં ખાબકી, 2 લોકોના મોત, 23 જણાં ઘાયલ

• મધ્ય પ્રદેશના ખંડવમાં મુસાફરો ભરેલી બસ નદીમાં ખાબકી
• આ દુર્ઘટનામાં બે લોકોના મોત, 23 જણા ઘાયલ થયા
• બસમાં 50 લોકો હતા સવાર

મધ્ય પ્રદેશના ખંડવામાં 50 લોકો ભરેલી બસ નદીમાં ખાબકી હતી. દુર્ઘટનામાં બે લોકોના મોત થયા છે. જ્યારે 23 લોકો ઘાયલ થયા હોવાની વિગતો મળી રહી છે. ઘટનાની જાણકારી મળતા પોલીસ અને રાહત તથા બચાવ કાર્યની ટીમ ઘટનાસ્થળે પહોંચી ગઈ હતી. મુસાફરોને બસમાંથી બહાર કાઢવાની કોશિશ થઈ રહી છે. બસ નદીમાં પડી જતાં હાહાકાર મચી ગયો હતો. આજૂબાજૂમાંથી પસાર થઈ રહેલા લોકોએ તાત્કાલિક બસમાં સવાર લોકોની મદદ કરવાનું શરુ કરી દીધું હતું. સાથે જ પોલીસને પણ જાણ કરી દીધી હતી. જેને લઈને પોલીસ તાત્કાલિક ઘટના સ્થળે પહોંચી અને બચાવ ટીમ પણ ત્યાં સુધી આવી ગઈ હતી. 

ઘટના સ્થળેથી મળેલી વિગતો અનુસાર, બસ ખંડવાથી સનાવદ તરફ જઈ રહી હતી. આ દરમિયાન બસનું બેલેન્સ બગડ્યું અને બસ નદીમાં ખાબકી હતી. આજૂબાજૂમાંથી પસાર થઈ રહેલા લોકોએ તાત્કાલિક મદદ માટે આગળ આવ્યા અને પોલીસ પ્રશસાનને સૂચના આપી. આ ઘટનાને લઈને લોકોમાં ભારે આક્રોશ છે. 

અત્યાર સુધીમાં બે લોકોના મોતની સૂચના મળી છે. 23 જણાં ઘાયલ હોવાનું કહેવાય છે. પણ ખંડવા કલેક્ટર અનૂપ કુમાર સિંહે એક પુરુષ યાત્રીના મોત થવા અને 23 લોકો ઘાયલ હોવાની પુષ્ટિ કરતા જણાવ્યુ હતું કે, ઘાયલ લોકોમાંથી 20ને ધનગાવના પ્રાથમિક સ્વાસ્થ્ય કેન્દ્રમાં ભરતી કરવામા આવ્યા છે. રાહત અને બચાવ કાર્ય ચાલી રહ્યું છે. તો વળી એક મહિલા યાત્રીનું પણ મોત થયું હોવાનું કહેવાય છે.