ક્રાઈમ / સુરતમાં સગા કાકાએ બે ભત્રીજાઓની હત્યાનો કર્યો પ્રયાસ, ત્રીજા માળેથી બે માસૂમોને નીચે ફેકી દીધા

• સુરતમાં કાકાએ ભત્રીજાઓની હત્યાનો કર્યો પ્રયાસ 
• ભાઈ સાથે બોલાચાલી થતા તેના સંતાનોની હત્યાનો કર્યો પ્રયાસ 
• ત્રીજા માળેથી બંને બાળકોને નીચે ઝાડી ઝાખરામાં ફેકી દીધા 

સુરતમાં કાકાએ તેનાજ સગા ભત્રીજાઓને ત્રીજા માળેથી ફેકી દિધા હોવાનો ગંભીર બનાવ સામે આવ્યો છે. કાકાએ હત્યાનો પ્રયાસ એટલા માટે કર્યો હતો કારણકે તેના ભાઈ સાથે તેને કોઈ બાબતે બોલાચાલી થઈ હતી. જે વાતનો ખાર રાખીને તેણે ભાઈના સંતાનોની હત્યા કરવાનો પ્રયાસ કર્યો હતો. 

બાળકોએ કહ્યું કે કાકાએ નીચે ફેક્યા હતા 

સમગ્ર મામલે પિતાનું કહેવું છે કે તે કામ પર હતા તે સમયે તેના ભાઈનો ફોન આવ્યો કે તે ગામ જઈ રહ્યો છે. પરંતુ જ્યારે તેને ખબર પડી કે તેના બંને પુત્રો નીચે પડી ગયા છે. ત્યારે તે તુરંત હોસ્પિટલ પહોચ્યો જ્યા એક બાળકને ભાન આતા તેણે કહ્યું કે કાકાએ તેમને નીચે ફેકી દીધા હતા.

ત્રીજા માળેથી નીચે ઝાડી ઝાખરમાં ફેક્યા 

બંને ભાઈઓને ત્રીજા માળેથી નીચે ઝાંડી જાખરામાં ફેકી દેતા તેઓ ગંભીર રીતે ઘાયલ થયા હતા જેથી તેમને સારવાર અર્થે સિવિલ હોસ્પિટલ ખસેડવામાં આવ્યા હતા. જ્યા તબીબોએ તાત્કાલીક બંનેનું ઓપરેશન કર્યું તેમને બચાવી લેવામાં આવ્યા. 

બાળકોના પિતાએ તેના ભાઈને ઠપકો આપ્યો હતો 

બાળકોના પિતાનું કહેવું છે કે તેમનો ભાઈ નશામાં ધૂત રહેતો હોય છે. અગાઉ તેને એક યુવતી સાથેના પ્રેમ પ્રકરણ મામલે ઠપકો આપ્યો હતો. જેની અદાવત રાખીને તેણે બંને બાળકોની હત્યા કરવાનો પ્રયાસ કર્યો હતો. સમગ્ર મામલે પોલીસે આરોપીઓ સામે ગુનો નોંધીને કાયદેસરની કાર્યવાહી આરંભી છે. 

પ્રેમ પ્રકરણમાં બાળકોની હત્યા કરવાનો કર્યો પ્રયાસ 

ઉલ્લેખનીય છે કે બાળકનો પિતાએ એવું પણ જણાવ્યું કે તેના ભાઈએ અગાઉ પિતાનું ગળું દબાવીને તેમની પણ હત્યા કરવાનો પ્રયાસ કર્યો હતો. બાદમાં તે ત્યાથી સુરતમાં ભાગીને આવી ગયો હતો. બાળકોના પિતાનું કહેવું છે પ્રેમ પ્રકરણમાં તેના ભાઈએ તેના બાળકોની હત્યાનો પ્રયાસ કર્યો છે. કારણકે તેણે યુવતી સાથેના પ્રેમ પ્રકરણમાં તેના ભાઈને ઠપકો આપ્યો હતો.