IPLIN
 
  • Home
  • Sports
  • Cricket
  • Uncapped player Chetan Sakaria has been purchased by Rajasthan Royals

ચીત્તો! / સૌરાષ્ટ્રના ફાસ્ટ બોલર ચેતન સાકરિયાને રાજસ્થાન રૉયલ્સે ખરીદ્યો, જાણો કેટલામાં ખરીદાયો

Team VTV 07:10 PM, 18 Feb 21 | Updated: 09:02 PM, 18 Feb 21
Follow us
Uncapped player Chetan Sakaria has been purchased by Rajasthan Royals

IPL 2021 માટે ખેલાડીઓને ચેન્નઈમાં હરાજી ચાલી રહી છે. જેમાં ગુજરાતના ખેલાડી ચેતન સાકરિયાને રાજસ્થાન રૉયલ્સે 1.2 કરોડમાં ખરીદ્યો છે.

રાજસ્થાન રૉયલ્સે IPL 2021ની હરાજીમાં 20 લાખના બેઝ પ્રાઇસ વાળા ચેતન સાકરિયાને 1.2 કરોડ રૂપિયામાં ખરીદ્યા છે. ચેતન સાકરિયા ભાવનગરના નિવાસી છે. તેઓ સૌરાષ્ટ્રની ટીમ તરફથી ડોમેસ્ટિક ક્રિકેટ રમે છે.  અનકેપ્ડ ફાસ્ટ બોલર ચેતન સાકરિયા બાળપણથી ક્રિકેટનો શોખિન હતો. જોકે આર્થિક સંકડામણનો સામનો કરીને ક્રિકેટમાં ઝળહળવાનું સપનું પૂર્ણ કર્યું.

સૌથી પહેલા રૉયલ ચેલેન્જર્સ બેંગલોરે 95 લાખની બોલી લગાવી હતી. ત્યાર બાદમાં રાજસ્થાનની ટીમે 1.2 કરોડની બોલી લગાવીને ચેતન સાકરિયાને ખરીદ્યો હતો. આમ, રાજસ્થાન ટીમે ચેતન સાકરીયાને 1.2 કરોડમાં ખરીદ્યો છે. ચેતન સાકરિયાએ 16 ટી 20 મેચોમાં 28 વિકેટ ઝડપી છે.

ક્રિકેટર જયદેવ ઉનડકટે કર્યું ટ્વિટ

તેમનું રાજસ્થાન રૉયલ્સ ટીમમાં સિલેક્શન થતા ક્રિકેટર જયદેવ ઉનડકટે લખ્યું છે કે, કોઈ તેનાથી વધુ લાયક છે! તમારા માટે ખુશી છે, ચીત્તા!

 

IPL 2020માં RCBની સાથે નેટ બૉલર તરીકે જોડાયા હતા

ચેતન ગત વર્ષે RCBએ તરફથી નેટ બૉલર તરીકે ટીમમાં જોડાયા હતા. આ દરમિયાન તેઓ અઢી મહિના સુધી દુબઈમાં રહ્યા હતા. 

 

કોણ છે ચેતન સાકરિયા?

 

ચેતન સાકરિયાનો જન્મ 20 ઓગસ્ટ 1998ના રોજ થયો હતો. તેઓ એક ભારતીય ક્રિકેટર છે. તેમના પિતા ભાવનગરમાં ટેમ્પોચાલક છે. તેમણે 22 ફેબ્રુઆરી 2018ના રોજ વિજય હજારે ટ્રૉફી 2017-18માં સૌરાષ્ટ્રની ટીમમાંથી રમવાની શરૂઆત કરી. તેમણે 20 નવેમ્બર 2018ના રોજ રણજી ટ્રૉફી 2018-19માં સૌરાષ્ટ્ર માટે પ્રથમ શ્રેણીમાં પદાર્પણ કર્યું, પ્રથમ ઇનિંગમાં 5 વિકેટ ઝડપી. તેમણે 21 ફેબ્રુઆરી 2019ના રોજ 2018-19 સૈયદ મુશ્તાક અલી ટ્રૉફીમાં સૌરાષ્ટ્ર માટે ટ્વેન્ટી 20ની શરૂઆત કરી. હાલ ચેતન સાકરિયાને રાજસ્થાન રૉયલ્સે 1.2 કરોડમાં ખરીદ્યા છે.
 

IPL 2021 Auction Rajasthan Royals રાજસ્થાન રૉયલ્સ ચેતન સાકરિયા
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ