રાજકોટના RK ગ્રૂપ, સ્પાયર ગ્રૂપ અને કોન્ટ્રાક્ટરો પર ઈન્કમ ટેક્ષના દરોડા, ITની રેડ દરમિયાન રૂ.100 કરોડથી વધુના બિનહિસાબી વ્યવહારો મળ્યા
રાજકોટથી ITની રેડ મામલે મોટા સમાચાર
રૂ.100 કરોડથી વધુના બિન હિસાબી વ્યવહારો મળ્યા
4 કરોડ રોકડ અને 2 કિલોથી વધુ સોનાના દાગીના પણ મળ્યા
રાજકોટમાં ITના દરોડા દરમિયાન રૂપિયા 100 કરોડથી વધુના બિનહિસાબી વ્યવહાર ઝડપાયા છે. આજના દિવસની આ સૌથી મોટી કાર્યવાહીથી ફફડાટ ફેલાયો છે. રાજકોટના RK ગ્રૂપ, સ્પાયર ગ્રૂપ અને કોન્ટ્રાક્ટરો સહિત 45 જેટલા સ્થળ પર 3 દિવસ સુધી કાર્યવાહી કરવામાં આવશે. સૌરાષ્ટ્ર ઝોનમાં આ 2018 પછી મેગા સર્ચ શરૂ કરાયું છે. બિનહિસાબી વ્યવહાર સાથે કાચી ચીઠ્ઠીના પુરાવા પણ સામે આવ્યા છે. એક સાથે 300 અધિકારીઓ દરોડાની કામગીરીમાં ઉતરી ગયા છે. જેને લઈ બિલ્ડર, ફાઈનાન્સર સહિત મોટી કંપનીઓના માલિકોમાં ફફળાટ જોવા મળ્યો છે. આટલી મોટી કાર્યવાહી 3 વર્ષ અગાઉ થઈ હતી.
રાજકોટના જાણીતા RK ગ્રૂપના ચેરપર્સન અને ભાગીદારોના ઘર અને ઓફિસમાં પણ કાર્યવાહી કરાઈ છે. તો RK ગ્રૂપના ટ્રેડિંગ અને કુવાડવા રોડ પરની મિલ ખાતે પણ કાર્યવાહી હાથ ધરાઈ છે. સાથે ભાગીદાર કિંજલ ફળદુની ઓફિસમાં પણ એક ટીમ પહોંચી હતી.
રાજકોટમાં લાંબા સમય બાદ ITએ મેગા ઓપરેશન હાથ ધર્યું છે ત્યારે IT વિભાગે રાજકોટના જાણીતા બિલ્ડર RK ગ્રુપ પર દરોડા પાડતા શહેરના અનેક બિલ્ડરોમાં ફફડાટ વ્યાપી ગયો છે. આજે સવારથી જ IT વિભાગે શહેરમાં બે ડઝનથી વધુ બિલ્ડરોના સ્થળો પર દરોડા પાડ્યા છે ત્યારે RK ગ્રુપનાં સર્વાનંદ સોનવાણી સહિતનાં ભાગીદારોને ત્યાં દરોડાની કાર્યવાહી હાથ ધરવામાં આવી રહી છે, સોનવાણીનાં સિલ્વર હાઇટ્સનાં ફલેટ પર દરોડા શહેરના અન્ય બિલ્ડરોમાં પણ ફફડાટો જોવા મળી રહ્યો છે,
શહેરમાં બે ડઝનથી વધુ બિલ્ડરોના સ્થળો પર દરોડા
મહત્વનું છે કે IT વિભાગે સિલ્વર હાઇટ્સમાં રહેતા અન્ય ચાર ભાગીદારોને ત્યાં પણ તપાસ હાથ ધરી છે. જેમાં જાગનાથ માર્બલવાળા પ્રફુલ ગંગદેવ પણ ઝપેટમાં આવ્યા છે અને જાણીતા ઉદ્યોગપતિ હરીસિંહ સુચરીયાને ત્યાં પણ IT વિભાગે તપાસ રેડ કરી તેમના શ્રેયસ સોસાયટીના મકાનમાં તપાસ હાથ ધરી છે.
રાજકોટમાં લાંબા સમય બાદ IT વિભાગની મોટી કાર્યવાહી
સોનવાણીનાં સિલ્વર હાઇટ્સનાં ફલેટ પર દરોડા,સિલ્વર હાઇટ્સમાં રહેતા અન્ય ચાર ભાગીદારોને ત્યાં પણ તપાસ જાગનાથ માર્બલવાળા પ્રફુલ ગંગદેવ પણ ઝપટમાં, જાણીતા ઉદ્યોગપતિ હરીસિંહ સુચરીયાને ત્યાં પણ IT ત્રાટકયું , હરીસિંહનાં શ્રેયસ સોસાયટીનાં મકાન પર પણ ITની તપાસ , RK ગ્રુપની નાનામવા ખાતે આવેલી મુખ્ય ઓફિસ પર પણ ચેકિંગ , RK ગ્રુપનાં મુખ્ય બે કોન્ટ્રાકટરોને ત્યાં પણ તલાશી, આશિષ ટાંક અને રમેશ પંચાલને ત્યાં પણ થઇ રહી છે ઇન્કવાયરી, રિંગરોડ પરનાં 8 પ્રોજકેટને કારણે IT વિભાગે મોટી કાર્યવાહી હાથ ધરી છે
RK ગ્રુપનાં સર્વાનંદ સોનવાણી સહિતનાં ભાગીદારોને ત્યાં દરોડા
રાજકોટમાં IT વિભાગે RK ગ્રુપની નાના મૌવા ખાતે આવેલી મુખ્ય ઓફિસ પર અને RK ગ્રુપનાં બે મુખ્ય કોન્ટ્રાક્ટર આશિષ ટાંક અને રમેશ પંચાલને ત્યાં પણ પૂછપરછ કરાઇ છે. ત્યારે તપાસના અંતે કરોડોનું બેનામી નાણું મળે તેવી શક્યતા છે. રાજકોટમાં લાંબા સમય બાદ ઓપરેશનને કારણે બિલ્ડર લોબીમાં સોપો, તપાસનાં અંતે કરોડોનું બેનામી નાણું મળે તેવી શકયતા