જણાવવામાં આવી રહ્યું છે કે શિક્ષક આર્મીમાંથી સેવાનિવૃત્ત થઇને સ્કૂલના પ્રવક્તાના પદે સેવા આપી રહ્યો છે. એએસપી ઉના પ્રવીણ ધીમાને જણાવ્યું કે આરોપી સામે કેસ નોંધી તપાસ શરૂ કરી દેવામાં આવી છે.
સરકારી શાળાના શિક્ષકે મહિલા પટાવાળા પાસે મંગાવી હતી ચા
મહિલા કર્મચારીએ ચા આપવાનો કર્યો ઈન્કાર
શિક્ષકે મહિલા પટાવાળાને મારી દીધો લાફો
શિક્ષકે મહિલા કર્મચારીને લાફો માર્યો
ચા માટે સરકારી શાળામાં મહિલા પટાવાળાને લાફો મારનારા શિક્ષકે પોલીસ સ્ટેશનના કર્મીઓને પણ છોડ્યા નથી. પોલીસ સ્ટેશનમાં આરોપીએ ખૂબ હોબાળો મચાવ્યો અને પોલીસ કર્મીઓ પર હુમલો કર્યો. આ મામલો હિમાચલ પ્રદેશના ઉના જિલ્લાનો છે. જાણકારી મુજબ, બંગાણાના પેટા વિભાગની સરકારી શાળામાં મહિલા કર્મચારીને પ્રવક્તાએ લાફો મારી દીધી હતો. આરોપીએ મહિલા પટાવાળા પાસે ચા મંગાવી હતી. પરંતુ મહિલા બીજા કામમાં વ્યસ્ત હોવાને કારણે મહિલાએ ચા આપવાની ના પાડી દીધી હતી.
આરોપીને પોલીસ સ્ટેશનમાં બોલાવ્યો તો ત્યાં પણ કરી મારામારી
આરોપી શિક્ષકને પોલીસે ગુરૂવારે પોલીસ સ્ટેશન બોલાવ્યો હતો અને એસઆઈને ગળેથી પકડ્યો. આ દરમ્યાન પોલીસની વર્દીના બટન તુટી ગયા. આ દરમ્યાન બચાવ કરતા સ્થાનિક પંચાયત અને ઉપપ્રમુખ સાથે પણ આરોપીએ ધક્કા મુક્કી કરી છે. સ્થાનિક લોકોની મદદથી આરોપીને કાબુમાં લેવામાં આવ્યો. પોલીસે આરોપી સામે કેસ નોંધી દીધો છે.
શાળાએ કરી નહોતી કોઈ કાર્યવાહી
ખરેખર, થપ્પડબાજીને લઇને પ્રધાનાચાર્યએ કોઈ કાર્યવાહી કરી નથી તો આખો મામલો પોલીસની પાસે ગયો. બંગાણા પોલીસ સ્ટેશનમાં પહેલા આરોપી પોલીસ સામે મહિલા કર્મચારીને લાફો મારવાની વાતને ખોટી પાડતો રહ્યો. ત્યારબાદ અચાનક તે ભાગવાનો પ્રયાસ કરવા લાગ્યો. ઘટનાસ્થળે રહેલા એસઆઈએ આરોપીને રોકવાનો પ્રયાસ કર્યો. તો તેણે એસઆઈ સાથે મારામારી કરી અને પછી વર્દીના બટન તોડી નાખ્યા. આ દરમ્યાન બચાવ કરવા આવેલા સિહાણા પંચાયત પ્રધાન સુનીલ કુમાર તથા ઉપપ્રમુખ મંજીત સિંહની સાથે પણ ધક્કામુક્કી કરી અને ભાગીને ગાડીમાં બેસી ગયો. જેવો ગાડી ભગાવવાનો પ્રયાસ કરવા લાગ્યો તો સ્થાનિકોએ પકડીને ગાડીમાંથી નીચે ઉતારીને પોલીસને સોંપી દીધો.