BIG NEWS / UN એજન્સીનો દાવો: દુનિયાભરમાં 5 કરોડથી વધારે લોકો ' આધુનિક ગુલામી ' નો શિકાર

• સંયુક્ત રાષ્ટ્રની શ્રમ એજન્સીનો રિપોર્ટ જાહેર થયો
• દુનિયાભરમાં બંધિયાર મજૂરોની સંખ્યા વધી
• સૌથી વધારે અરબ દેશોમાં આ સંખ્યા વધી

સંયુક્ત રાષ્ટ્રની શ્રમ એજન્સી તરફથી જાહેર કરવામાં આવેલા રિપોર્ટમાં અનુમાન લગાવાયું છે કે, ગત વર્ષના અંત સુધીમાં દુનિયાભરમાં લગભગ પાંચ કરોડ લોકો 'આધુનિક ગુલામી' થી પીડિત રહ્યા હતા. જે કાં તો બંધિયાર મજૂરી (દાસત્વ) માં ધકેલી દેવામાં આવ્યા હતા અથવા તો તેમનું બળજબરીપૂર્વક લગ્ન કરાવી દેવામાં આવ્યા હતા. આ આંકડો પાંચ વર્ષ પહેલા આવેલી સંસ્થાના પાછલા રિપોર્ટથી 25 ટકા વધારે આંકવામા આવ્યા છે. જ્યારે બળજબરી પૂર્વક લગ્નમાં મામલામાં પ્રતિ વ્યક્તિ સૌથી વધારે સંખ્યા અરબ દેશોમાં જોવા મળી છે. 

આંતરરાષ્ટ્રીય શ્રમ સંગઠન અને ભાગીદાર વ્યવસાયિક યૌન શોષણ જેવા ચિંતાજનક રુઝાન તરફ ઈશારો કરે છે, જે ચારમાંથી લગભગ એક વ્યક્તિને પ્રભાવિત કરે છે, જે બંધિયાર મંજૂરીને આધિન છે. તેમાંથી ગરીબો, મહિલાઓ અને બાળકો પર સૌથી વધારે પ્રભાવ પડે છે. આંતરરાષ્ટ્રીય શ્રમ સંગઠનનું કહેવુ છે કે, 5 કરોડ લોકો કાં તો દર 150 લોકોમાંથી એક શખ્સ અથવા તો બળજબરી પૂર્વક મજૂરીમાં ફસાયેલા છે અથવા તો તેમના બળજબરી પૂર્વક લગ્ન કરાવી દીધા છે. 

આધુનિક ગુલામીમાં રહેતા લોકોની સંખ્યા 1 કરોડ વધી

સંયુક્ત રાષ્ટ્રના આંતરરાષ્ટ્રીય પ્રવાસી મામલામાં સંગઠન અને આધુનિક દાસત્વ પર કામ કરતા અધિકાર સમૂહ વોક ફ્રી ફાઉંડેશનની સાથે આઈએલઓએ જણાવ્યું છે કે, 2021ના અંતમાં બંધિયાર મજૂરોની સંખ્યા 2.8 કરોડ હતી, એક દિવસ પહેલા સોમવારે જાહેર થયેલા રિપોર્ટમાં કહેવાયુ છે કે, એક વર્ષ પહેલા આ આંકડાના આધાર પર 2017 માં આ પ્રકારના રિપોર્ટ પ્રકાશિત થયા બાદ આવી રીતના આંકડામાં આધુનિક ગુલામીમાં રહેતા લોકોની સંખ્યામાં 1 કરોડનો વધારો થયો છે. એમાં એવું પણ કહેવાયુ છે કે, 2/3 વધારો એકલા બળજબરીપૂર્વક લગ્ન સાથે જોડાયેલ છે. 

અરબ દેશોમાં સૌથી વધારે બળજબરીપૂર્વક લગ્ન

વોક ફ્રી ફાઉંડેશનના સંસ્થાપક નિર્દેશક ગ્રેસ ફોરેસ્ટે એક ઈન્ટરવ્યૂમાં જણાવ્યું છે કે, આ વધારે ગ્રીસની કુલ વસ્તી બરાબર છે. રિપોર્ટ અનુસાર, તમામ બળજબરીપૂર્વક લગ્નના મામલામાં 2/3થી વધારે કેસ એશિયા-પ્રશાંત ક્ષેત્રમાં જોવા મળે છે, જે દુનિયાના સૌથી વધારે વસ્તીવાળા ક્ષેત્ર છે, પણ પ્રતિ વ્યક્તિ સૌથી વધારે સંખ્યા અરબ દેશોમાં છે. જ્યાં લગભગ 1000માંથી પાંચ લોકોના બળજબરીપૂર્વક લગ્ન થયેલા હતા.

શ્રમિકો, વ્યવસાય અને સરકારો સાથે લાવવાનું કામ કરતી સંયુક્ત રાષ્ટ્ર શ્રમ એજન્સીના મહાનિર્દેશક ગાય રાઈડરે સૌને મળીને કામ કરવાનું આહ્વાન કર્યું છે અને તેમાં ટ્રેંડ યુનિયન, નિયોક્તા સમૂહ, નાગરિક સમાજ અને સામાન્ય લોકો તમામને મહત્વપૂર્ણ ભૂમિકા નિભાવાની છે.