પ્રશંસા / UN પણ ભારતથી ગદગદ! મોદી સરકારના કર્યા ભારોભાર વખાણ

સંયુક્ત રાષ્ટ્ર મહાસભાના 78મા સત્રના અધ્યક્ષ ડેનિસ ફ્રાન્સિસે કહ્યું કે ભારત હંમેશા બહુપક્ષીયતાનું પ્રતિબદ્ધ સમર્થક રહ્યું છે. 1.4 અરબની વસતી ધરાવતું લોકતંત્ર હોવાના નાતે વૈશ્વિક બાબતોમાં સતત મજબૂત યોગદાન આપવા માટે તેનું ભવિષ્ય ઉજ્જવળ છે.

ફ્રાન્સિસે મહાસભાના આ સત્રના પ્રમુખ તરીકે તેમના એક વર્ષના કાર્યકાળના અંતિમ દિવસે, સોમવારે આ ટિપ્પણીઓ કરી. કેમરૂનના ભૂતપૂર્વ વડાપ્રધાન ફિલેમોન યાંગ 10 સપ્ટેમ્બરે મહાસભાના 79મા સત્રના અધ્યક્ષ તરીકે કાર્યભાર સંભાળશે.

'ભારત સંયુક્ત રાષ્ટ્રમાં અગ્રણી દેશ છે'

ભારત બહુપક્ષીયતાના પ્રતિબદ્ધ સમર્થક ફ્રાન્સિસે કહ્યું, "આમાં કોઈ શંકા નથી કે ભારત સંયુક્ત રાષ્ટ્રમાં અગ્રણી દેશ છે. ભારત હંમેશા બહુપક્ષીયતાનું પ્રતિબદ્ધ સમર્થક રહ્યું છે, જેને સંયુક્ત રાષ્ટ્ર દ્વારા અત્યંત મહત્વ આપવામાં આવે છે. અમે જાણીએ છીએ કે ભારત સુરક્ષા પરિષદનું કાયમી સભ્ય બનવાની મહત્ત્વાકાંક્ષા ધરાવે છે."

ભારત સરકારની પ્રશંસા થવી જોઈએ

ફ્રાન્સિસે આગળ જણાવ્યું કે સભ્યો આ પર નિર્ણય લેશે કે પરિષદમાં કેવી રીતે સુધારા લાવવાના છે, કયા દેશો સભ્ય દેશોનું પ્રતિનિધિત્વ કરવા માટે સૌથી યોગ્ય રહેશે અને સત્તાનું વિતરણ કેવી રીતે કરવામાં આવશે. ભારત ગ્લોબલ સાઉથના અન્ય વિકસિત દેશો સાથે પોતાની વિશેષજ્ઞતા વહેંચવામાં એક અગ્રગણ્ય વિકાસશીલ દેશ તરીકે મોટી પ્રતિબદ્ધતા પ્રદર્શિત કરી રહ્યું છે, જેના માટે ભારત સરકારની પ્રશંસા થવી જોઈએ.

આ પણ વાંચોઃ જો વાહન ચલાવતી વખતે કરી આ 5 ભૂલ, તો તમારું ડ્રાઇવિંગ લાયસન્સ થઈ જશે રદ્દ

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ