યુક્રેનના બુચામાં નરસંહાર કરવાનું રશિયાને અતિ મોંઘું પડ્યું છે. સંયુક્ત રાષ્ટ્રસંઘે રશિયાને માનવાધિકાર પરિષદમાંથી હાંકી કાઢ્યું છે. UNHRCમાં રશિયા વિરૃદ્ધ લાવવામાં આવેલા પ્રસ્તાવ પર ગુરુવારે વોટિંગ થયું હતું. અમેરિકી રાજદૂત લિન્ડા થોમસ-ગ્રીનફિલ્ડ દ્વારા લાવવામાં આવેલા રશિયા વિરૃદ્ધના ઠરાવ પર 93 દેશોએ સમર્થનમાં વોટિંગ કરતા યુએનને રશિયાની હકાલપટ્ટીની સત્તા મળી ગઈ હતી.
UN General Assembly approves a resolution suspending Russia from the world body's leading human rights organization, reports AP
93 દેશોએ સમર્થનમાં, 24 દેશોએ વિરૃદ્ધમાં કર્યું વોટિંગ
રશિયા સામેના પ્રસ્તાવના સમર્થનમાં 93 દેશોએ વોટિંગ કર્યું હતું તો 24 દેશોએ આ પ્રસ્તાવની વિરૃદ્ધમાં મતદાન કર્યું હતું. 58 દેશોએ વોટિંગથી દૂર રહેવાનું પસંદ કર્યું હતું. પ્રસ્તાવ બહુમતથી પસાર થઈ ગયો હોવાથી સંયુક્ત રાષ્ટ્રસંઘે રશિયાને UNHRCમાંથી હાંકી કાઢવાનો નિર્ણય જાહેર કર્યો હતો.
UN General Assembly suspends Russia from Human Rights Council
93 countries voted in favour of the draft resolution, 24 countries voted against it, 58 countries abstained pic.twitter.com/Glt34LrFOm
ભારત સહિત 58 દેશોએ વોટિંગમાં ભાગ ન લીધો
UNHRCમાં રશિયા વિરૃદ્ધ લાવવામાં આવેલા પ્રસ્તાવ ભારત સહિત 58 દેશોએ ભાગ લીધો નહોતો. યુએનમાં ભારતે બીજી વાર રશિયાને સાથ આપ્યો છે. આ પહેલા પણ ભારત રશિયા વિરૃદ્ધના પ્રસ્તાવ પરના વોટિંગમાંથી દૂર રહ્યું હતું.
India abstains in the UN General Assembly on a vote to suspend Russia from the UN Human Rights Council
યુક્રેનની રાજધાની કિવના ઉપનગર બુચામાં રશિયન દળોએ ભયાનક નરસંહાર આચર્યો હતો. આ નરસંહારના ફોટા અને વીડિયો સામે આવ્યાં બાદ દુનિયા ખળભળી ઉઠી હતી અને રશિયા સામે આકરા પ્રતિબંધોની માગ ઉઠી હતી. અમેરિકાએ પણ આ માગને સમર્થન આપ્યું હતું. અમેરિકી રાજદૂત લિન્ડા થોમસ-ગ્રીનફિલ્ડે રશિયાને માનવાધિકાર પરિષદમાંથી હટાવવા માટે યુએનજીએમાં ખાસ બેઠક બોલાવી હતી અને આ મુદ્દે આજે વોટિંગ થયું હતું. સ્પસ્ટ છે કે બુચામાં આવો ભયાનક નરસંહાર આચરવા બદલ રશિયા સામે આવી મોટી કાર્યવાહી કરાઈ હતી.
યુક્રેન યુદ્ધ બાદ સંયુક્ત રાષ્ટ્રસંઘે રશિયા સામે અત્યાર સુધીની મોટી કાર્યવાહી કરી
હકાલપટ્ટી બાદ રશિયા હવે સંયુક્ત રાષ્ટ્રસંઘ માનવાધિકાર પરીષદનો સભ્ય રહ્યો નથી. યુક્રેન યુદ્ધના લગભગ 45 દિવસ બાદ સંયુક્ત રાષ્ટ્રસંઘે રશિયા સામે મોટી કાર્યવાહી કરી છે.