સંયુક્ત રાષ્ટ્ર સંઘ(UN)માં ઐતિહાસિક મતદાન બાદ ભાંગને અંતે એક દવાના રૂપમાં માન્યતા આપવામાં આવી છે. વિશ્વ સ્વાસ્થ્ય સંગઠન(WHO)ના વિશેષજ્ઞોની અપીલ બાદ સંયુક્ત રાષ્ટ્ર(UN)એ આ નિર્ણય કર્યો છે.
UNના ઐતિહાસિક નિર્ણયમાં માનવામાં આવ્યું ભાંગ દવા છે
27 દેશોએ પક્ષમાં મત આપ્યો
ભાંગને હજુ પણ નોન મેડિકલ ઉપયોગ તરીકે એક પ્રતિબંધિત ડ્રગ્સ જ માનવામાં આવશે
સંયુક્ત રાષ્ટ્રના માદક પદાર્થ આયોગે ભાગંને તે ડ્રગ્સની લિસ્ટમાંથી હટાવી લીધી છે જેમાં હેરોઇન જેવા ખતરનાક ડ્રગ્સ પણ સામેલ હતા. હવે ભાંગને દવા રૂપે માન્યતા આપવામાં આવી છે. આ યાદીમાં તે તમામ ડ્રગ્સને રાખવામાં આવે છે જે ખુબ જ એડિક્ટિવ છે, માણસોના સ્વાસ્થ્ય માટે ખુબ જ ખતરનાક હોય છે અને જેના મેડિકલ ફાયદા ખુબ જ ઓછા અથવા તો ના બરાબર હોય છે. આ યાદીમાંથી ભાંગને હટાવી લેવામાં આવી છે. જોકે, UNના કાયદા અનુસાર, ભાંગને હજુ પણ નોન મેડિકલ ઉપયોગ તરીકે એક પ્રતિબંધિત ડ્રગ્સ જ માનવામાં આવશે.
પ્રતિબંધિત માદક પદાર્થોની યાદીથી કાઢવા માટે સંયુક્ત રાષ્ટ્રે મતદાન કરાવ્યું હતું. આ મતદાનના પક્ષમાં 27 દેશોને તે 25 સભ્યોએ આના વિરૂદ્ધ મતદાન કર્યું. આ ઐતિહાસિક મતદાન દરમિયાન અમેરિકા અને બ્રિટનના બદલાવના પક્ષમાં મતદાન કર્યું. ત્યારે ભારત, પાકિસ્તાન, નાઇઝીરિયા અને રશિયાએ આ ફેરફારનો વિરોધ કર્યો હતો.
યૂએનના આ નિર્ણય બાદથી બનેલી દવાઓના ઉપયોગમાં વધારો જોવા મળી શકે છે. આ સિવાય ભાંગને લઇને સાઇન્ટિફિક રિસર્ચને પણ ઘણું પ્રોત્સાહન જોવા મળી શકે છે. યૂએનના આ નિર્ણય બાદ માનવામાં આવી રહ્યું છે કે કેટલાક દેશ પણ ભાંગ અને ગાંજાના ઉપયોગને લઇને પોતાની પૉલિસીમાં ફેરફાર લાવી શકાય છે.