કોરોનાની મહામારી વચ્ચે સંયુક્ત રાષ્ટ્ર મહાસચિવ એન્ટોનિયો ગુટરોસે ગુરુવારે ભારતના મન મુકીની વખાણ કર્યા. તેમણે કહ્યું કે નવી દિલ્હીએ ગ્લોબલ વેક્સીનેશન અભિયાનમાં મહત્વની ભૂમિકા ભજવવી જોઈએ. યુએન ચીફે ભારતની રસી નિર્માણ ક્ષમતાના વખાણ કરતા કહ્યું કે આજે આ દુનિયાની સૌથી મોટી સંપત્તિ છે.’
સંયુક્ત રાષ્ટ્રના હેલ્થ વર્કરો માટે પણ ભારત કોરોના રસીના 10 લાખ ડોઝ આપશે
અમે આ માટે ભારતીય સંસ્થાનોના સંપર્કમાં છીએ- ગુટરોસ
ભારતની પ્રોડક્શન કેપેસિટી આજે દુનિયા માટે સૌથી મોટી સંપત્તિ
અમે આ માટે ભારતીય સંસ્થાનોના સંપર્કમાં છીએ- ગુટરોસ
પત્રકારો સાથેની વાતચીતમાં યૂએન ચીફે કહ્યું કે મને ખબર છે કે ભારત ઘણા મોટા પાયા પર સ્વદેશમાં વિકસીત રસીઓનું પ્રોડક્શન થાય છે. અમે આ માટે ભારતીય સંસ્થાનોના સંપર્કમાં છીએ. અમેને પુરી આશા છે કે ગ્લોબલ વેક્સીનેશન કેમ્પેનને સફળ બનાવવા માટે ભારત તમામ પ્રકારની જરૂરી મોટી ભૂમિકા નિભાવશે.
ભારતની પ્રોડક્શન કેપેસિટી આજે દુનિયા માટે સૌથી મોટી સંપત્તિ
ગુટરોસે કહ્યું કે મને લાગે છે કે ભારતની પ્રોડક્શન કેપેસિટી આજે દુનિયા માટે સૌથી મોટી સંપત્તિ છે. હું આશા રાખુ છું કે દુનિયા આ વાતને સમજે કે આ સંપત્તિનો પૂરો ઉપયોગ થવો જોઈએ.
પડોશી દેશોને કોરોનાની રસીના 55 લાખથી વધારે ડોઝ ગિફ્ટ
સંયુક્ત રાષ્ટ્ર પ્રમુખનું આ નિવેદનય એવા સમયે આવ્યું છે કે જ્યારે ભારત પોતાના પડોશી દેશોને કોરોનાની રસીના 55 લાખથી વધારે ડોઝ ગિફ્ટ કરી ચૂક્યું છે. આ ઉપરાંત ભારત ઓમાન, CARICOM દેશો, નિકારુગુઆ, પેસિફિક આઈલેન્ડ સ્ટેટ્સને પણ રસી ગિફ્ટ આપવાની યોજના બનાવી રહ્યું છે.
સંયુક્ત રાષ્ટ્રના હેલ્થ વર્કરો માટે પણ ભારત કોરોના રસીના 10 લાખ ડોઝ આપશે
વિદેશ મંત્રાલયના પ્રવક્તા અનુરાગ શ્રીવાસ્તવે ગુરુવારે જણાવ્યું કે ભારત આફ્રીકાને કોરોનાની રસીના એક કરોડ ડોઝ આપવાની તૈયારી કરી રહ્યું છે. આ ઉપરાંત COVAX અંતર્ગત સંયુક્ત રાષ્ટ્રના હેલ્થ વર્કરો માટે પણ નવી દિલ્હી કોરોના રસીના 10 લાખ ડોઝ આપશે.