IPL 2022ની પ્રથમ ક્વોલિફાયર મેચ રાજસ્થાન રોયલ્સ અને ગુજરાત ટાઇટન્સ વચ્ચે રમાઈ હતી. રાજસ્થાન રોયલ્સના બેટ્સમેન યશસ્વી જયસ્વાલ આ મેચમાં કંઈ ખાસ કરી શક્યો નહોતો.
રાજસ્થાન અને ગુજરાત વચ્ચે રમાઈ મેચ
આ મેચમાં એવું કંઈ થયું કે ફેન્સ ચોંકી ઉઠ્યા
એમ્પાયરનું રિએક્શન સોશિયલ મીડિયા પર વાયરલ
IPL 2022ની પ્રથમ ક્વોલિફાયર મેચ રાજસ્થાન રોયલ્સ અને ગુજરાત ટાઇટન્સ વચ્ચે રમાઈ હતી. આ મેચમાં રાજસ્થાન રોયલ્સના બેટ્સમેન યશસ્વી જયસ્વાલ કંઈ ખાસ કરી શક્યા ન હતા અને જલ્દી જ આઉટ થઈ ગયા હતા.
આ દરમિયાન તેને અમ્પાયર દ્વારા આઉટ પણ ન હતો આપવામાં આવ્યો. પરંતુ તેમ છતા તે પેવેલિયન પરત ફર્યો હતો. જે બાદ અમ્પાયરની પ્રતિક્રિયા સોશિયલ મીડિયા પર વાયરલ થઈ રહી છે.
નોટઆઉટ આપ્યા બાદ પણ પવેલીયન પરત ફર્યો યશસ્વી જયસ્વાલ
ટોસ જીતીને બેટિંગ કરવાનું પસંદ કરતા રાજસ્થાન રોયલ્સની શરૂઆત ખરાબ રહી હતી. યશસ્વી જયસ્વાલ બીજી ઓવરમાં આઉટ થયો હતો. આ ઓવરમાં યશના બોલ પર સાહાએ યશસ્વીનો કેચ પકડ્યો હતો.
એમ્પાયરની પ્રતિક્રિયા વાયરલ
આ દરમિયાન અમ્પાયર કેચથી બહુ સંતુષ્ટ ન હતા અને તેણે યશસ્વીને નોટઆઉટ આપ્યો હતો. પરંતુ આ દરમિયાન અમ્પાયર બ્રુસ ઓક્સનફોર્ડ અને રાજસ્થાનના અન્ય ખેલાડીઓ અને ફેન્સને ત્યારે આશ્ચર્ય થયું જ્યારે યશસ્વી શોટ રમ્યા બાદ તરત જ ત્યાંથી જતો રહ્યો. આ દરમિયાન તેણે અમ્પાયર તરફ જોયું પણ નહીં. જે બાદ અમ્પાયર બ્રુસ ઓક્સનફોર્ડની પ્રતિક્રિયા સોશિયલ મીડિયા પર વાયરલ થઈ રહી છે.
ગુજરાતની થઈ જીત
કોલકતાના ઈડન ગાર્ડન્સમાં રમાયેલી આઈપીએલ 2022ને પહેલા ક્વોલીફાયર મુકાબલામાં ગુજરાત ટાઈટન્સે રાજસ્થાન રોયલ્સને સાત વિકેટથી હરાવ્યું છે. તેની સાથે જ ગુજરાતની ટીમ ફાઈનલમાં પહોંચી ગઈ છે. પોતાના ડેબ્યૂ સીઝનમાં ફાઈનલમાં પહોંચનાર ગુજરાત આઈપીએલની પહેલી ટીમ છે.