ક્રિકેટ / IND vs SA : ટેસ્ટ સીરિઝ પહેલા ટીમ ઇન્ડિયાને મોટો ઝટકો, આ સ્ટાર બૉલર બહાર

• 3 ટેસ્ટ મેચની સીરિઝની પહેલી ટેસ્ટ 2 ઓક્ટોબરથી
• ટીમ ઇન્ડિયાને ઝટકો, ઇજાને કારણે ફાસ્ટ બૉલર જસપ્રીત બુમરાહ બહાર
•  જસપ્રીત બુમરાહની ગેરહાજરીમાં ફાસ્ટ બૉલિંગ ઇશાંત શર્મા, મોહમ્મદ શમી અને ઉમેશ યાદવની જવાબદારી

સાઉથ આફ્રિકા વિરુદ્ઘ 3 ટેસ્ટ સીરિઝ માટે 25 વર્ષના જસપ્રીત બુમરાહની જગ્યાએ ઉમેશ યાદવને ટીમ ઇન્ડિયામાં શામેલ કરવામાં આવ્યો છે. T 20 સીરિઝ 1-1 ડ્રો થયા પછી આફ્રિકન ટીમે ટેસ્ટ સીરિઝના પહેલા ટીમ ઇન્ડિયા પર દબાણ વધારી દીધુ છે. 

JUST IN: Umesh Yadav replaces Jasprit Bumrah in India's Test squad#TeamIndia fast bowler Jasprit Bumrah has sustained a minor stress fracture in his lower back and has been ruled out of the upcoming Paytm Freedom Series for Gandhi-Mandela Trophy against South Africa. pic.twitter.com/yZiUmMABPt

— BCCI (@BCCI) September 24, 2019

BCCI અનુસાર, ''જસપ્રીત બુમરાહના પીઠના નીચલા ભાગમાં નાનકડું ફ્રેક્ચર થયુ છે અને આ જ કારણે સાઉથ આફ્રિકા વિરુદ્ઘ થનારી ગાંધી-મંડેલા સીરિઝમાંથી બહાર છે. તે NCA માં પોતાની ઇજા માટે સારવાર કરાવશે અને BCCI ની મેડિકલ ટીમના ધ્યાનમાં રહેશે. સિલેક્ટશન કમિટીએ જસપ્રીત બુમરાહની જગ્યાએ ઉમેશ યાદવને ટીમમાં જગ્યા આપી છે.''

સાઉથ આફ્રિકા વિરુદ્ઘ 3 ટેસ્ટ મેચની સીરિઝની પહેલી મેચ 2 ઓક્ટોબરથી વિશાખાપટ્ટનમમાં રમાશે. જસપ્રીત બુમરાહની ગેરહાજરીમાં ફાસ્ટ બૉલિંગ ઇશાંત શર્મા, મોહમ્મદ શમી અને ઉમેશ યાદવની જવાબદારી રહેશે. સીરિઝની બીજી મેચ 10 ઓક્ટોબર પૂનામાં અને ત્રીજા- અંતિમ ટેસ્ટ 19 ઓક્ટોબરના રાંચીમાં રમાશે.

ઉમેશ યાદવે છેલ્લી મેચ ડિસેમ્બર 2018માં રમી હતી, ઓસ્ટ્રેલિયા વિરુદ્ઘ 4 ટેસ્ટ મેચની સીરિઝમાં તેણે જ એક ટેસ્ટ (પર્થમાં બીજી ટેસ્ટ) રમી હતી અને 2 વિકેટ પોતાના નામે લીધી હતી.

આ સાથે જ જસપ્રીત બુમરાહની ભારતમાં પહેલી ટેસ્ટ રમવાની રાહ વધી ગઇ છે. અત્યાર સુધી બુમરાહે પોતાની 12 ટેસ્ટ મેચ વિદેશી ધરતી પર રમી છે. જસપ્રીત બુમરાહે 12 ટેસ્ટ મેચમાં 62 વિકેટ પોતાના નામે કરી. ગત 2 ટેસ્ટ મેચમાં જસપ્રીત બુમરાહે 13 વિકેટ પોતાના નામે કરી, જેમાં 5 વિકેટ હૉલ અને એક હેટ્રિક શામેલ છે. 

15 સભ્યોની ટીમ ઇન્ડિયા:

વિરાટ કોહલી (કેપ્ટન), મયંક અગ્રવાલ, રોહિત શર્મા, ચેતેશ્વર પૂજારા, અંજ્કિય રહાણે (વાઇસ કેપ્ટન), હનુમા વિહારી, રિષભ પંત ( વિકેટકીપર), રિદ્ઘિમાન સાહા (વિકેટકીપર), આર.અશ્વિન, રવિન્દ્ર જાડેજા, કુલદીપ યાદવ, મોહમ્મદ શમી, ઉમેશ યાદવ, ઇશાંત શર્મા, શુભમન ગિલ