ચૂંટણી / ઉમાભારતીને મળવા પહોંચ્યા સાધ્વી પ્રજ્ઞા ઠાકુર, ગળે મળી થયાં ભાવુક

ભાવુક થઇ રડી પડ્યા
ભોપાલ લોકસભા બેઠક હાલ ચર્ચામાં છે. ભાજપે સાધ્વી પ્રજ્ઞા ઠાકુરને આ બેઠકના ઉમેદવાર બનાવ્યાં છે.ભાજપના ઉમેદવાર સાધ્વી પ્રજ્ઞા ઠાકુર ઉમા ભારતીને ભેટીને ભાવુક થઈ રડી પડ્યાં. 

#WATCH Madhya Pradesh: Pragya Singh Thakur, BJP's LS candidate from Bhopal breaks down while meeting Union Minister and senior BJP leader Uma Bharti in Bhopal. pic.twitter.com/SqcvJPCfnZ

— ANI (@ANI) April 29, 2019

હકીકતમાં ચૂંટણીપ્રચાર માટે જતા અગાઉ સાધ્વી પ્રજ્ઞા ઉમા ભારતીને મળવા માટે તેમના નિવાસ સ્થાને પહોંચ્યા હતાં. ભાજપના ફાયર બ્રાન્ડ નેતા ગણાતા ઉમા ભારતીએ તેમને ટીકો કર્યો હતો અને ખીર ખવડાવી તેમણે વિશ્વાસ વ્યક્ત કર્યો કે તેઓ સાધ્વી માટે પ્રચાર કરશે.  

કાર સુધી મુકવા આવ્યા ઉમા ભારતી
મુલાકાત બાદ જ્યારે ઉમા ભારતી સાધ્વી પ્રજ્ઞાને તેમની કાર સુધી મુકવા આવ્યાં તો સાધ્વી પ્રજ્ઞા રડવા લાગ્યાં. આ જોઈને કારમાં બેઠેલા સાધ્વી પ્રજ્ઞાને ઉમા ભારતીએ ગળે લગાવ્યાં અને તેમને માથે ચુંબન કરીને આંસુ લૂછ્યાં હતા.

આ મુલાકાત બાદ ભાજપના નેતા ઉમા ભારતીએ મહત્વનું નિવેદન કહ્યું છે. તેમણે કહ્યુ કે, તેમનું ખુબ સન્માન કરું છું. મેં તેમના પર થતા અત્યાચાર જોયા છે. એટલે તેઓ ખુબ પૂજનીય છે. હું તેમના માટે પ્રચાર કરીશ. 

બંન્ને વચ્ચે તણાવના આવ્યા હતા સમાચાર
સાધ્વી પ્રજ્ઞાએ કહ્યું કે ,સાધુ સન્યાસીઓ ક્યારેય એકબીજાથી નારાજ થતા નથી. હું તેમને મળવા આવી છું અને અમારા બે વચ્ચે હંમેશા આત્મીય સંબંધો રહ્યાં છે. નોંધનીય છે કે આ અગાઉ બંને વચ્ચે તણાવના અહેવાલો હતાં. ઉમા ભારતીએ સાધ્વી પ્રજ્ઞાને મહાન સંત ગણાવતા કહ્યું હતું કે તેમની સાથે મારી સરખામણી ન કરો.