શાનદાર બાઇક બનાવનારી ઇટાલીની MV Agusta એક એવી મોટરસાઇકલ લાવી છે, જે ખુબજ રસપ્રદ છે. આ બાઇકની સૌથી ખાસ વાત એ છે કે તેની માત્ર એક યુનિટ બનાવાશે, એટલે કે આખી દુનિયામાંથી માત્ર એક વ્યક્તિ તેને ખરીદી શકશે.
આ મોટરસાઇકલ કંપનીની Brutale 1000 RR સુપર નેકેડ બાઇકનું અલ્ટ્રા લિમિટેડ એડિશન વર્જન છે. તેને MV Agusta Brutale 1000 RR ML નામથી રજૂ કરાયું છે.
શાનદાર લુક
Brutale 1000 RR ML મોટરસાઇકલનો લુક સ્ટાન્ડર્ડ Brutale 1000 RR ની જેમ છે. આ અલ્ટ્રા લિમિટેડ એડિશન બાઇક બ્લૂ અને વ્હાઇટ કોમ્બિનેશન સાથે ટ્રાઇકલર પેન્ટ સ્કીમમાં છે. બાઇકની ફ્રેમ, એલ્યુમિનિયમ વીલ્જ અને સ્વિંગઆર્મ પર ગોલ્ડન પેન્ટ છે. તેના નામમાં સામેલ કરવામાં આવેલ 'ML' અક્ષરનો સંબંધ આ ખાસ મોટરસાઇકલની એકમાત્ર માલિકના નામ પર છે. રિપોર્ટ્સમાં કહેવામાં આવ્યું છે કે તેને ખરીદનારનું શોર્ટ નામ 'ML' છે.
પાવર અને સ્પીડ
Brutale 1000 RR MLનું એન્જિન સ્ટાન્ડર્ડ Brutale 1000 RR વાળું છે. બાઇકમાં આપેલુ 998 CCનું એન્જિન 205 bhpની પાવર અને 115 Nm ટોર્ક જનરેટ કરે છે. એન્જિન 6 સ્પીડ ટ્રાન્સમિશનથી લેસ છે. કંપનીનો દાવો છે કે આ અલ્ટ્રા એક્સક્લૂસિવ મોડલ 300 કિલોમીટર પ્રતિ કલાકની સ્પીડ પકડવામાં સક્ષમ છે.
રાઇડિંગ મોડ અને ફીચર્સ
Brutale 1000 RR MLમાં ચાર રાઇડિંગ મોડ આપેલા છે, જેમાંથી રેસ, સ્પોર્ટ્સ, રેન અને કસ્ટમ સામેલ છે. તેમા 5 ઇન્ચનો હાઇ રેજોલ્યૂશન કલર TFT ડિસપ્લે છે, તેમા બાઇક સાથે જોડાયેલી જાણકારી મળે છે. સ્ટાન્ડર્ડ Brutale 1000 RRની જેમ આ બાઇકમાં પણ Ohlins સસ્પેન્શન અને Brembo Stylema બ્રેક અપાયેલા છે.
કેટલી હશે કિંમત?
MV Agusta એ પોતાની આ સુપર એક્સક્લૂસિવ બાઇકની કિંમતનો ખુલાસો કર્યો નથી. આ મોટરસાઇકલ માત્ર 1 યુનિટ બનશે. એવામાં તેની કિંમત ખુબજ વધારે રહેવાની આશા વ્યક્ત કરાઇ રહી છે. માનવામાં આવી રહ્યું છે કે કંપની કદાચ આ બાઇકની કિંમતને લઇને ખુલાસો કરે.