રાષ્ટ્રપ્રેમ / મોદીજી પ્લીઝ મારા દેશને બચાવી લો, કાશ્મીરમાં રહેતી યુક્રેનની મહિલાએ પીએમ મોદીને કરી અપીલ

• યુક્રેનમાંથી આવ્યા રાહતના સમાચાર
• નાગરિકોને કાઢવા માટે સંઘર્ષવિરામ
• યુક્રેનમાંથી પરણીને આવેલી મહિલાએ કરી વિનંતી

છેલ્લા દશ દિવસથી રશિયાએ યુક્રેનને ધમરોળી નાખ્યું છે. ચારેબાજૂ તબાહી જ તબાહી જ જોવા મળી રહી છે. લાખો લોકો પોતાનો દેશ છોડીને અન્ય જગ્યાએ પલાયન કરવા મજબૂર બન્યા છે. આ તમામની વચ્ચે કાશ્મીરી શખ્સ સાથે લગ્ન કરનારી યુક્રેનિયન મહિલાએ પીએમ મોદી પાસે મદદ માટે અપીલ કરી છે. ઓલીજા નામની આ મહિલા તે રશિયાના સૈન્ય અભિયાન વિરુદ્ધ પીએમ મોદી યુક્રેનને શક્ય તમામ મદદ કરે તેવી અપીલ કરી છે .

પીએમ મોદીને કરી અપીલ

એક રિપોર્ટમાં જણાવ્યા અનુસાર ઓલીજાએ કહ્યું કે, રશિયાનું સૈન્ય અભિયાન યુક્રેનને ભારે નુકસાન પહોંચાડી રહ્યું છે. મને બહું ડર લાગી રહ્યો છે, મારુ દિલ હંમેશા રડતું રહે છે. કારણ કે મારો પરિવાર ત્યાં છે. હું પ્રધાનમંત્રી અને ભારત સરકારને કહેવા માગુ છું કે, તે યુક્રેનિયનની શક્ય દરેક મદદ કરે, કારણ કે, તમામ શાંતિપૂર્ણ લોકો છે. 

પુલવામાં રહે છે આ મહિલા

ઓલીજા હાલ જમ્મુ કાશ્મીરના પુલવામા જિલ્લાના ત્રાલમાં રહે છે. તેમણે કહ્યું કે, આજે અમારો દેશ લોકતંત્ર અને શાંતિ માટે લડી રહ્યો છે. ત્યાં લોકોના દિલમાં આઝાદી છે અને તે કઈ પણ સ્થિતિમાં રશિયાને પોતાના ઘરમાં ઘૂસવા નહીં દે.

યુક્રેનમાંથી આવ્યા રાહતના સમાચાર

આ તમામની વચ્ચે શનિવારે રશિયાના હુમલાના દશમા દિવસે યુક્રેનમાંથી એક રાહતના સમાચાર આવ્યા છે. રશિયાની સેનાએ શનિવારે યુક્રેનના બે વિસ્તારમાં સંઘર્ષ વિરામ પર સહમત થયું છે. જેથી ત્યાં ફસાયેલા નાગરિકોને સુરક્ષિત બહાર કાઢી શકાય.

નાગરિકોને સુુરક્ષિત કાઢવા માટે સંઘર્ષ વિરામ

રશિયાના રક્ષામંત્રાલય દ્વારા જાહેર કરવામાં આવેલા એક નિવેદનના હવાલેથી જણાવ્યું છે કે, મોસ્કો યુક્રેની દળો સાથે અમુક નિકાસી માર્ગો પર સંઘર્ષ વિરામ માટે સહમત થયું છે. જેથી નાગરિકોને દક્ષિણ-પૂર્વમાં રણનીતિના હિસાબે મહત્વના બંદર શહેર મારિયુપોલ અને પૂર્વી શહેર વોલ્નોવાખાથી સુરક્ષિત કાઢવામાં મદદ મળી શકે.

ભારતીયોને લઈને ચિંતિત

યુક્રેનમાં ફસાયેલા ભારતીયોને કાઢવા પર ભારતે શનિવારે કહ્યું કે, તે યુદ્ધગ્રસ્ત યુક્રેનના પૂર્વી શહેરમાં ફસાયેલા ભારતીયોને લઈને ખૂબ ચિંતિત છે, સાથે જ તેણે વિવિધ માધ્યમોથી રશિયા તથા યુક્રેન બંનેને તાત્કાલિક સંઘર્ષવિરામ કરવાનું કહેવામાં આવ્યું છે, જેથી તે વિસ્તારમાંથી લોકોને સુરક્ષિત બહાર કાઢી શકાય.