હાહાકાર / યુક્રેનના દાવાથી મચ્યો ખળભળાટ, સાંસદે કહ્યું- સરહદ પર 1.50 લાખ રશિયન સૈનિકો કરી રહ્યા છે આ કામ

• યુક્રેનના દાવાથી મચ્યો ખળભળાટ 
• સરહદ પર 1.5 લાખ રશિયન સૈનિકો તૈનાત
• વિદ્રોહીઓ પણ કરી રહ્યા ગોળીબાર

યુક્રેનની સંસદને માહિતી આપતા, ઓલેક્સી રેઝનિકોવે કહ્યું, “અમે રશિયન સૈનિકોના વિભાગો જોઈ રહ્યા છીએ, જેની સંખ્યા 129,000 છે. જો નૌકાદળ અને વાયુસેનાના એકમોને સાથે લઈએ તો આ આંકડો 149,000 સુધી પહોંચે છે. 

યુક્રેનના દાવાથી દુનિયામાં મચ્યો ખળભળાટ 

યુક્રેને કહ્યું કે રશિયન સૈનિકોની સાથે રશિયન સમર્થિત બળવાખોરો પણ સરહદને અડીને આવેલા ગામ પર ગોળીબાર કરી રહ્યા છે. યુક્રેનનું આ નિવેદન એવા સમયે આવ્યું છે જ્યારે પુતિને દાવો કર્યો છે કે તેમણે રશિયન સેનાને હટાવવાની મંજૂરી આપી દીધી છે. યુક્રેનનો દાવો છે કે સતત બીજા દિવસે દેશની અંદર વિદ્રોહીઓએ રશિયાની મદદથી આર્ટિલરી અને મોર્ટાર ગામો પર ગોળીબાર કર્યો છે.

દરમિયાન, રશિયન સૈન્યએ શુક્રવારે એક વિશાળ વ્યૂહાત્મક કવાયત શરૂ કરી, જે દેશના પરમાણુ પરાક્રમની યાદ અપાવે છે, પશ્ચિમના ભય વચ્ચે કે મોસ્કો યુક્રેન પર આક્રમણ કરવાની યોજના બનાવી રહ્યું છે. રાષ્ટ્રપતિ વ્લાદિમીર પુતિન(Russian President Vladimir Putin)  વ્યક્તિગત રીતે શનિવારની લશ્કરી કવાયતની દેખરેખ રાખશે, જેમાં આંતરખંડીય બેલિસ્ટિક મિસાઇલો (Intercontinental Ballistic Missiles) અને ક્રુઝ મિસાઇલોના(Cruise Missiles) મોક ફાયરિંગનો સમાવેશ થશે.

તણાવ વચ્ચે યુદ્ધાભ્યાસ

આ સૈન્ય અભ્યાસ એવા સમયે થવા જઈ રહ્યો છે. જ્યારે રશિયા અને પશ્ચિમ વચ્ચે તણાવ ઘટવાનું નામ નથી લેતું. યુક્રેનની સરહદ પાસે રશિયાઈ સૈનિકોનો ઠઠારો આશંકા ઉતપન્ન કરે છે કે, મોસ્કો પશ્ચિમમાં પોતાના પાડોશી પર હુમલો કરી શકે છે. જો કે, રશિયાએ આવી કોઈ યોજનાને ફગાવતું આવ્યું છે.