રશિયાની સેનાના હુમલામાં યુક્રેનની અભિનેત્રી ઓક્સાના શ્વેત્સનું મોત થઈ ગયું છે. કીવમાં એક આવાસીય ઈમારત પર કરવામાં આવેલા રોકેટ હુમલામાં ભયાનક ઘટના બની હતી.
રશિયા અને યુક્રેન વચ્ચે જંગ સતત ચાલુ
રોકેટ હુમલામાં બિલ્ડીંગ પર અટેક
યુક્રેનની જાણીતી અભિનેત્રીનું મોત
રશિયાની સેનાના હુમલામાં યુક્રેનની અભિનેત્રી ઓક્સાના શ્વેત્સનું મોત થઈ ગયું છે. કીવમાં એક આવાસીય ઈમારત પર કરવામાં આવેલા રોકેટ હુમલામાં ભયાનક ઘટના બની હતી. ઓક્સાનાની મંડલી યંગ થિએટરે એક નિવેદન જાહેર કરીને એક્ટ્રેસના મોતની પુષ્ટિ કરી છે. તેને યુક્રેનની સન્માનિત કલાકાર તરીકે ઓળખવામાં આવતી હતી. એક રિપોર્ટ્સમાં જણાવ્યા અનુસાર ઓક્સાના 67 વર્ષની હતી.
રહેણાંક વિસ્તારની બિલ્ડીંગ પર રોકેટ હુમલો
નિવેદનમાં કહેવાયુ છે કે, કીવમાં એક રહેણાંક વિસ્તાર પરની બિલ્ડીંગ પર રોકેટ હુમલા દરમિયાન યુક્રેનની કલાકાર ઓક્સાના શ્વેત્સનું મોત થઈ ગયું છે. ઓક્સાનાએ કેટલીય ફિલ્મોમાં અભિનય કર્યો છે, જેમાં દ સીક્રેટ ઓફ સેંટ પેટ્રિક, ટુમોરો વિલ બી ટુમોરો અને દ રિટર્ન ઓફ મુખ્ચાર સામેલ છે.
અમેરિકાના નાગરિકોના પણ મોત
અમેરિકાના વિદેશ મંત્રાલયે ગુરૂવારે તેની પુષ્ટિ કરી કે, રશિયા દ્વારા યુક્રેની શહેર પર હુમલામાં મરનારા લોકોમાં અમેરિકી નાગરિકો પણ સામેલ છે. જો કે, મંત્રાલયે માર્યા ગયેલા અમેરિકીની ઓળખાણ જાહેર કરી નથી. આ બીજો અમેરિકી નાગરિક છે, યુદ્ધ યુક્રેનમાં માર્યો ગયો છે. ગત સપ્તાહે પત્રકાર અને ફિલ્મકાર બ્રેંટ રેનોડનું પણ મોત થઈ ગયું હતું.
24 કલાકમાં 53 લોકોના મોત
પોલીસે ફેસબુક પોસ્ટમાં કહ્યું કે, શહેર પર તોપોથી ભારે ગોળીબાર કરવામાં આવી રહ્યો છે અને માર્યા ગયેલા સામાન્ય લોકોમાં અમેરિકી નાગરિકો પણ સામેલ છે. સ્થાનિક ગવર્નર વિયાચેસ્વે ચાઉસે યુક્રેની ટીવીને જણાવ્યું હતું કે,24 કલાકની અંદર 53 લોકોને શ્મશાનમાં પહોંચાડવામાં આવ્યા છે, જેમનું મોત રશિયાના હવાઈ હુમલા અને જમીની કાર્યવાહીમાં થયું છે.