રશિયા વિરુદ્ધ ઘૂંટણીયે નહીં પડનારા યુક્રેની રાષ્ટ્રપતિ વોલોદિમીર જેલેંસ્કીએ પોતાના દેશના લોકો માટે અસલી હીરો બની ચુક્યા છે.
રશિયા સામે સામી છાતી લડનારા રાષ્ટ્રપતિ
યુક્રેનની પ્રજાએ જેના પર વિશ્વાસ મુક્યો તે હીરો સાબિત થયો
પ્રજાનો વિશ્વાસ અકબંધ રાખી, દેશ માટે લડવા નિકળી પડ્યા
રશિયા વિરુદ્ધ ઘૂંટણીયે નહીં પડનારા યુક્રેની રાષ્ટ્રપતિ વોલોદિમીર જેલેંસ્કીએ પોતાના દેશના લોકો માટે અસલી હીરો બની ચુક્યા છે. જેલેંસ્કી રાષ્ટ્રપતિ બનતા પરહેલા એક કોમેડિયન હતા અને તેમણે વર્ષ 2015માં એક ટીવી શોમાં રાષ્ટ્રપતિનું પાત્ર ભજવ્યું હતું. પણ થોડા વર્ષોમાં જ જેલેંસ્કી દિગ્ગજ નેતા પોરોશેંકોને ચૂંટણીમાં હરાવતા યુક્રેનના રિયલમાં રાષ્ટ્રપતિ બની ચુક્યા છે.
યહૂદી પરિવારમાં જન્મ
યુક્રેનના કિરીવયી રીહ શહેરમાં વોલોદિમિર જેલેંસ્કીનો જન્મ એક યહૂદી પરિવારમાં થયો હતો. તેમનો પરિવાર મુખ્ય રીતે રૂસી ભાષી હતો. ભલે રશિયામાં વસેલા યહુદી પરિવારના બાળકો ભણવા માટે ઈઝારયલ જતાં હોય, પણ જેલેંસ્કીના પિતાએ ઈઝરાયલ ભણવા પર પ્રતિબંધ લગાવી દીધો હતો. ત્યાર બાદ તેમણે કીવ નેશનલ ઈકોનોમિક યુનિવર્સિટીમાંથી કાયદાનોીડિગ્રી મેળવી હતી.
ધારાવાહિકમાં રાષ્ટ્રપતિનું પાત્ર ભજવ્યું
કોમેડીમાં રૂચિ ધરાવતા હોવાના કારણે કાયદાની ડિગ્રી મેળવ્યા બાદ કોમેડી શો કરવા લાગ્યા. તે નિયમિત રીતે કોમેડી શો કરતા હતા. ત્યાર બાદ તેમણે કેટલાય શહેરોમાં શો અને ફિલ્મો પણ પ્રોડ્યૂસ કરી. આ તમામની વચ્ચે જેલેંસ્કીએ વર્ષ 2015માં લગભગ 'સર્વેટ ઓફ દ પીપુલ' નામની એક ધારાવાહિકમાં પણ કામ કર્યું. જે શરૂઆતમાં હાઈ સ્કૂલના સ્કૂટ ટીચર રહે છે, પણ અંતમાં ભ્રષ્ટ રાજનેતાઓથી દુ:ખી થઈને દેશના રાષ્ટ્રપતિ બની જાય છે.
યુક્રેનના છઠ્ઠા રાષ્ટ્રપતિ તરીકે શપથ
સિરિયલમાં કામ કરતી વખતે ભલે જેલેંસ્કીએ રાષ્ટ્રપતિ બનવા વિશે વિચાર્યું ન હોય, પણ તેના નસીબમાં કંઈ બીજૂ જ નક્કી થયું હતું. વર્ષ 2016માં જેલેંસ્કીએ પોતાના અમુક સાથીઓ સાથે મળીને પાર્ટી બનાવી, જેનું નામ સર્વેંટ ઓફ દ પીપુલ રાખ્યું. આ પાર્ટીને ગત ચૂંટણીમાં 73.2 ટકા વોટ મળ્યા અને તેમણે દિગ્ગ્જ નેતા પેત્રો પોરોશેંકોને ચૂંટણીમાં હરાવી દીધા. મે 2019માં જેલેંસ્કીએ યુક્રેનના છઠ્ઠા રાષ્ટ્રપતિ તરીકે શપથ લીધાં.
સમગ્ર યુક્રેનને બચાવવાની જવાબદારી
કોમેડિયનમાંથી રાષ્ટ્રપતિ બનેલા જેલેંસ્કીની ઉપર હાલમાં સમગ્ર યુક્રેનને બચાવાની જવાબદારી છે. રશિયાની સેના તેમના દેશ પર રોકેટોનો વરસાદ વરસાવી રહી છે. આવી હાલતમાં પણ 44 વર્ષિય જેલેંસ્કીએ રાજધાની કીવ છોડવાની ના પાડી દીધી છે. અમેરિકાએ જ્યારે તેમને સુરક્ષિત બહાર નિકળવાની ઓફર આપી તો, જેલેંસ્કીએ શુક્રવારે સ્પષ્ટ શબ્દોમાં કહ્યું કે, મને હથિયાર જોઈએ. સુરક્ષિત રસ્તો નહીં. રશિયાએ ગુરૂવારે યુક્રેન પર હુમલો કર્યો અને આજે ચોથા દિવસે પણ રશિયાની સેના યુક્રેન આગળને આગળ વધી રહી છે.