જંગ / રશિયા સામે અંતિમ શ્વાસ સુધી લડી લેવાના મૂડમાં યૂક્રેન, રાષ્ટ્રપતિનું એલાન-સરેન્ડર તો કદી નહીં

• યૂક્રેન રશિયા સામે અંતિમ શ્વાસ સુધી લડી લેવાના મૂડમાં
• રાષ્ટ્રપતિ વોલોદિમીર ઝેલેંસ્કીનું મોટું નિવેદન
• કહ્યું કદી સરેન્ડર નહીં કરીએ 

યૂક્રેન રશિયા સામે અંતિમ શ્વાસ સુધી લડી લેવાના મૂડમાં છે. યૂક્રેન કોઈ પણ ભોગે રશિયા સામે ઝૂકવા તૈયાર નથી. યૂક્રેનના રાષ્ટ્રપતિ વોલોદિમીર ઝેલેંસ્કીએક મોટું નિવેદન આપતા કહ્યું કે યૂક્રેન રશિયા આગળ કદી પણ સરેન્ડર નહીં કરે. તેમણે કહ્યું કે અમે રશિયા સામે ઝૂકવાના નથી. અમારા દેશની સેના રશિયાને જડબાતોડ જવાબ આપી રહી છે. 

હુમલા બાદ યૂક્રેની રાષ્ટ્રપતિએ ઈમરજન્સી બેઠક બોલાવી
રશિયન આક્રમણને પગલે રાષ્ટ્રપતિ ઝેલેંસ્કી ઈમરજન્સી બેઠક બોલાવીને રશિયન હુમલાને કેવી રીતે જવાબ આપવો તેની ચર્ચા કરી. બેઠકમાં દેશના ટોચના લશ્કરની અધિકારીઓ હાજર રહ્યાં હતા. ઈમરજન્સી બેઠકમાં રશિયા સામે કદી પણ ન ઝૂકવાનો નિર્ણય લેવાયો હતો. 

Ukraine breaks diplomatic ties with Russia, AFP News Agency quotes Ukrainian president Volodymyr Zelenskyy#RussiaUkraineCrisis pic.twitter.com/9fMTmpMcud

— ANI (@ANI) February 24, 2022

રશિયા સાથે તમામ રાજદ્વારી સંબધો તોડવાની યૂક્રેનની જાહેરાત
યૂક્રેને રશિયા સાથેના તમામ રાજદ્વારી સંબંધો તોડવાની પણ જાહેરાત કરી દીધી છે. ઈમરજન્સી બેઠક બાદ  પ્રેસિડન્ટ ઝેલેંસ્કી આ જાહેરાત કરી હતી. 

અમેરિકાએ લશ્કર મોકલ્યું 

નાટોની આ કાર્યવાહીની પહેલ વચ્ચે અમેરિકાએ પોતાના સૈનિકોને યુક્રેન તરફ મોકલવાનું શરૂ કરી દીધું છે. રશિયાને ઘેરવા માટે અમેરિકી સેના લાટવિયા પહોંચી ગઈ છે. જે બાદ રશિયન સેનાને પાછળ ધકેલવાનું કામ થઈ શકે છે. રશિયા પોતાના હુમલાને રોકવા માટે તૈયાર નથી. રશિયાના રાષ્ટ્રપતિ વ્લાદિમીર પુતિને અન્ય દેશોને આ અંગે ચેતવણી આપી છે. તેમણે કહ્યું કે અન્ય દેશોએ આ મામલે દખલ કરવાનો પ્રયાસ ન કરવો જોઈએ.

નાટોમાં 30 દેશો સામેલ
1991ની સાલમાં સોવિયત સંઘની વિસ્તારવાદી નીતિને અટકાવવા માટે અમેરિકાએ નાટા (નોર્થ એટલાન્ટિક ટ્રીટ ઓર્ગેનાઈઝેશ) ની રચના કરી હતી હાલમાં નાટોમાં 30 દેશો સામેલ છે જેમા અમેરિકા, ફ્રાન્સ, બ્રિટન, જર્મની સહિતના કેટલાક દેશો સામેલ છે. યૂક્રેન પણ નાટોમા સામેલ થવા માગે છે પરંતુ યૂક્રેનનું નાટોમાં સામેલ થવું પ્રેસિડન્ટ પુતિનને જરા પણ મંજૂર નથી અને આ વાત આવતા જ તેઓ ભડકી ઉઠે છે. યૂક્રેન નાટોમાં સામેલ થાય તો નાટાની સેના રશિયાની સરહદ સુધી આવી ચડે અને તેનાથી પોતાના દેશને મોટો ખતરો તેવું રશિયા અને પુતિનને પાકા પાયે ખાતરી છે એટલે તેઓ કોઈ પણ હિસાબે યૂક્રેનને નાટામાં ભળવા દેવા માગતા નથી. હવે યૂક્રેને નાટોમાં ભળવાનો પ્રયાસ કર્યો એટલે રશિયાએ પહેલા તેના બે પ્રાંતને અલગ દેશ જાહેર કરી દીધા અને ત્યાર બાદ યૂક્રેનમાં લશ્કર ઘુસાડીને હવે યુદ્ધ ખેલી રહ્યું છે.