VIDEO / BIG NEWS : યુક્રેનમાં મોટો અકસ્માત, બિલ્ડિંગ સાથે ટકરાઈને ક્રેશ થયું હેલિકોપ્ટર, ગૃહમંત્રી સહિત 16ના મોત

• યુક્રેનની રાજધાની કીવમાં મોટી દુર્ઘટના 
• બિલ્ડિંગ સાથે ટકરાતા ક્રેશ થયું હેલિકોપ્ટર 
• ગૃહમંત્રી સહિત 16 લોકોના મોત
• મૃતકોમાં 2 બાળકો પણ સામેલ 

યુક્રેનની રાજધાની કીવમાં એક મોટો હેલિકોપ્ટર અકસ્માત થયો છે. બિલ્ડિંગ સાથે ટકરાતા હેલિકોપ્ટર તૂટી પડ્યું હતું જેમાં ગૃહમંત્રી સહિત 16 લોકોના મોત થયા હતા. રશિયા સાથેના યુદ્ધ વચ્ચે યુક્રેનની રાજધાની કિવમાં હેલિકોપ્ટર ક્રેશ થવાથી ઓછામાં ઓછા 16 લોકોના મોત થયા છે. આ દુર્ઘટનામાં યુક્રેનના આંતરિક મંત્રી ડેનિસ મોનાસ્ટીર્સ્કીનું પણ મોત થયું હતું. ન્યૂઝ એજન્સી એએફપીના જણાવ્યા અનુસાર, હેલિકોપ્ટર ક્રેશ નાના બાળકોની સંભાળ રાખતા સેન્ટર પાસે થયું હતું. આ ગમખ્વાર અકસ્માતમાં બે બાળકો સહિત કુલ 16 લોકોના મોત થયા છે.

🇺🇦🚁🔥A kindergarten destroyed as a result of a helicopter crash pic.twitter.com/WZx2Bk5ArN

— AZ 🛰🌏🌍🌎 (@AZgeopolitics) January 18, 2023

કિવથી 20 કિલોમીટર દૂર બ્રૉવરીમાં ક્રેશ થયું હેલિકોપ્ટર 
મીડિયા રિપોર્ટ્સ અનુસાર હેલિકોપ્ટર દુર્ઘટના રાજધાની કિવથી 20 કિલોમીટર દૂર બ્રૉવરી વિસ્તારમાં થઈ હતી. દુર્ઘટના બાદ હેલિકોપ્ટરમાં આગ લાગી હતી. આ પહેલા યુક્રેનના આંતરિક મંત્રીના ઉપમંત્રી અને વિદેશ મંત્રી પણ માર્યા ગયા હતા.