યુક્રેન પર રશિયાની સેનાએ યુદ્ધના ત્રીજા દિવસે ફરી એક વાર પોતાનું આક્રમણ વધારે તેજ કર્યું છે. આ બાજૂ યુક્રેનને આ ભીષણ યુદ્ધમાં ફ્રાંસનો સાથે મળ્યો છે.
રશિયાને લાગશે મરચાં
ફ્રાંસે યુક્રેનને આપ્યો સાથ
હથિયારોની ખેપ મોકલાવી
યુક્રેન પર રશિયાની સેનાએ યુદ્ધના ત્રીજા દિવસે ફરી એક વાર પોતાનું આક્રમણ વધારે તેજ કર્યું છે. આ બાજૂ યુક્રેનને આ ભીષણ યુદ્ધમાં ફ્રાંસનો સાથે મળ્યો છે. યુક્રેનના રાષ્ટ્રપતિએ ફ્રાંસના રાષ્ટ્રપતિ ઈમૈનુએલ મૈક્રોનની સાથે ફોન પર વાત કરી જે બાદ તેમણે યુક્રેનને સાથે આપવાનો નિર્ણય કર્યો. રાષ્ટ્રપતિ જેલેન્સકીએ ટ્વિટ કરીને કહ્યું કે, ફ્રાંસના રાષ્ટ્રપતિ ઈમૈનુઅલ મૈક્રોનની સાથે વાત થઈ છે. આપણા સહયોગીઓથી હથિયારો અને સાધનો યુક્રેનના રસ્તામાં છે. યુદ્ધ વિરોધી ગઠબંધન હવે કામ કરી રહ્યું છે. બીજી બાજૂ ફ્રાંસના રાષ્ટ્રપતિ ઈમૈન્યુઅલ મૈક્રોએ એક કાર્યક્રમમાં ચેતવતા કહ્યું કે, આ યુદ્ધ હજૂ આગળ પણ ચાલશે. આ સંકટ બની રહેશે અને તેની સાથે આવનારા સમયમાં તમામ સંક્ટના સ્થાયી પરિણામ પણ હશે.
રશિયાએ મેલિટોપોલ શહેર પર કર્યો કબ્જો
આ બાજૂ રશિયાના સૈનિકોએ યુક્રેનના મેલિટોપોલ શહેર પર કબ્જો કર્યો હોવાનો દાવો કર્યો છે. રશિયાના રક્ષામંત્રાલયે એવો દાવો કર્યો છે કે, તેણે હવે શહેર પર સમગ્રપણે કબ્જો કરી લીધો છે. કીવ પર પોતાના કબ્જા કરવા માટે રશિયા સતત હુમલાઓ કરી રહ્યું છે. તો વળી રશિયા સેના દ્વારા મેલિટોપોલ પર કબ્જો કરવાના દાવા પર બ્રિટિશ સશસ્ત્ર દળના મંત્રી જેમ્સ હેપ્પીએ નકારી કાઢ્યું છે. હેપ્પીએ કહ્યું કે, હજૂ કોઈ કબ્જો કર્યો નથી, તથા રાજધાની કીવમાં આગળ વધી રહેલી બખ્તરબંધ ગાડીઓને યુક્રેની સેના દ્વારા રોકી દેવામાં આવ્યા છે.
કીવમાં રશિયાએ ફરી વાર કર્યો મિસાઈલ અટેક
રશિયાએ કીવમાં બે મિસાઈલો છોડી છે, જેમાંથી એક જુલ્યાની હવાઈ અડ્ડા પાસે અને બીજી રહેણાર વિસ્તારમાં જઈને પડી છે. બીજી તરફ રશિયા દ્વારા કીવના વિક્ટ્રી એવન્યૂ પર સૈન્ય એકમોને ટાર્ગેટ કરવાના સમાચાર પણ સામે આવી રહ્યા છે. જો કે, રશિયાએ આ હુમલાને ફગાવી દીધો છે.
જર્મની, પોલોન્ડ અને અન્ય યુરોપિય દેશોએ સૈન્ય કાર્યવાહીની નિંદા કરી
યુક્રેનની હાલત પર ભારતમાં જર્મનીના રાજદૂત વાલ્ટર જે લિંડનરે પુતિન દ્વારા છંછેડવામાં આવેલા યુદ્ધની નિંદા કરવામાં આવી છે. તેમણે કહ્યું કે, આ શમરજનક વાત છે અને સાથે જ એ ચેતવણી આપી કે, તે આર્થિક પ્રતિબંધોની સાથે સાથે પ્રતિક્રિયા આપશે. લિંડનરે કહ્યું કે, અમે બીજા દેશો પર કબ્જાની અનુમતી નથી આપતા. તો વળી ભારતમાં પોલેન્ડના રાજદૂત, એડમ બુરાકોવ્સ્કીએ કહ્યું કે, પોલેન્ડ અને અન્ય યુરોપિય સંઘના દેશમાં પણ રશિયા દ્વારા યુક્રેન પર હુમલાની આકરી ટીકા કરવામા આવી છે.