રશિયન સૈનિકોની વાસ્તવિકતા આવી સામે, યુક્રેનની બાળકી-યુવતીઓ પણ નથી સુરક્ષિત, સૈનિકો હેવાનિયતની હદ કરી રહ્યા છે પાર
રશિયન સૈનિકોની વાસ્તવિકતા આવી સામે
યુક્રેની છોકરીઓ સાથે કરે છે બળાત્કાર
છોકરીઓએ પોતાના વાળ કાપી નાંખ્યા
રશિયા અને યુક્રેન વચ્ચે યુદ્ધનો ભયાવહ ચહેરો સામે આવી રહ્યો છે. 300થી વધારે મોત થયા હોવાનું સામે આવી રહ્યું છે ત્યારે યુક્રેનમાં રશિયન સેનાના ત્રાસની વાસ્તવિકતા સામે આવી છે. રશિયા મિસાઇલ છોડીને હુમલા કરી રહ્યુ છે તેટલુ જ નહી પરંતુ રશિયન સૈનિકો નાગરિકોને પર એટલા જ હેરાન પરેશાન કરી રહ્યા હોવાનું સામે આવ્યુ છે. ત્યાંની મહિલા અને બાળકીઓને પણ સૈનિકોએ બાકી નથી મૂકી, તેઓની સાથે દુષ્કર્મ આચરતા હોવાની ચોંકાવનારી હકીકત સામે આવી છે.
ડેપ્યુટી મેયર મેરીના બેસ્ચસ્તાના અનુસાર, રાજધાની કિવથી લગભગ 50 માઇલ દૂર યુક્રેનિયન શહેર ઇવાન્કિવમાં યુવાન છોકરીઓ "ઓછા આકર્ષક" દેખાવા માટે અને રશિયન સૈનિકો દ્વારા બળાત્કારથી બચવા માટે તેમના વાળ ટૂંકા કરાવતી હોવાનું સામે આવ્યુ છે. તેઓએ એમ પણ જણાવ્યું કે એક મહિનાથી પણ વધારે સમય સુધી રશિયન સેનાના કબ્જા બાદ શહેરને 30 માર્ચે મુક્ત કરાવ્યુ હતું.
આકર્ષક ન દેખાય તે માટે કપાવ્યા વાળ
ડેપ્યુટી મેયર મેરીના બેસ્ચસ્તાનાએ જણાવ્યું હતું કે જ્યારે રશિયન સેનાના કાબૂમાં હતા તે દરમિયાન મહિલાઓને તેમના કાપેલા વાળ સાથે ભોંયરાઓમાંથી બહાર કાઢવામાં આવતી હતી જેથી રશિયન સૈનિકો તેમની સાથે દુર્વ્યવહાર કરી શકે. "છોકરીઓએ ઓછા આકર્ષક દેખાવા માટે પોતાના વાળ ટૂંકા કરી દીધા. જેથી હવે તેમને કોઇ જોતુ નથી.
15 વર્ષની બાળકી સાથે કથિત બળાત્કાર
વધુમાં તેણે એક ઘટના વર્ણવતા જણાવ્યું કે 15 અને 16 વર્ષની બે બહેનો પર નજીકના ગામમાં કથિત રીતે બળાત્કાર કરવામાં આવ્યો હતો. ઇવાન્કિવ યુક્રેનનો એકમાત્ર એવો ભાગ નથી જ્યાંથી રેપના અહેવાલો સામે આવ્યા છે. એક યુક્રેનિયન મહિલાએ જણાવ્યું હતું કે તેના પતિને ગોળી મારીને મારી નાખવામાં આવ્યાની ક્ષણો પછી રશિયન સૈનિકો દ્વારા તેણી પર બળાત્કાર કરવામાં આવ્યો હતો તે દરમિયાન ડરી ગયેલો ચાર વર્ષનો પુત્ર બાજુના રૂમમાં રડતો હતો.
10 વર્ષની બાળકી સાથે બળાત્કાર
વધુમાં, યુક્રેનની સંસદ સભ્ય લેસિયા વાસિલેન્કે દાવો કર્યો છે કે રશિયન સૈનિકોએ 10 વર્ષથી ઓછી વયની છોકરીઓ પર બળાત્કાર કર્યો હતો અને મહિલાઓના મૃતદેહને વિકૃત કર્યા હતા.
રશિયા-યુક્રેન યુદ્ધ
રશિયાએ 24 ફેબ્રુઆરીએ યુક્રેન પર આક્રમણ કર્યું અને ત્યારથી તે દેશભરમાં હુમલાઓ કરી રહ્યું છે.
યુદ્ધમાં હજારો નાગરિકો અને સૈનિકો માર્યા ગયા છે, જ્યારે 40 લાખ લોકો વિસ્થાપિત થયા છે.
રશિયાએ યુક્રેનના પૂર્વીય ભાગો પર ધ્યાન કેન્દ્રિત કરવા રાજધાની કિવની આસપાસના વિસ્તારોમાંથી પીછેહઠ કરી છે.
તેની પીછેહઠ પછી, તેણે બુકા અને બોરોદ્યાન્કા જેવા સ્થળોએ વિનાશનું પગેરું છોડી દીધું છે.