હાસ્યાસ્પદ / રશિયા-યુક્રેનની ગંભીર પરિસ્થિતિ વચ્ચે એક ફની વીડિયો થયો વાયરલ, ખેડૂતે કર્યુ એવું કે હસવાનું નહી રોકી શકો,જુઓ વીડિયો

• રશિયા- યુક્રેનની ગંભીર સ્થિતિ વચ્ચે એક હાસ્યાસ્પદ બનાવ
• ખેડૂતો રશિયન સૈનિકનું ટેન્કર ચોર્યુ
• વીડિયો થયો સોશિયલ મીડિયામાં વાયરલ 

રશિયાના સૈનિકો યુક્રેનના વિવિધ વિસ્તારોમાં હુમલો કરી રહ્યા છે. લગભગ 1 લાખ રશિયન સૈનિક પોતાના હથિયારો લઇને યુક્રેનની સીમામાં દાખલ થઇ છે.  હાલમાં યુક્રેનમાંથી બોમ્બ બ્લાસ્ટ, ધુમાડાના ગોટેગોટા ઉડતા હોય,  સૈનિકોના મોત થયા હોય તેવી દર્દનાક તસવીરો સામે આવે છે ત્યારે યુક્રેનમાંથી એક વીડિયો સામે આવ્યો જે જોઇને તમે હસવાનું નહી રોકી શકો..

ખેડૂતે રશિયન આર્મીને કરી દોડતી  

રશિયા અને યુક્રેન વચ્ચે યુદ્ધની સ્થિતિને પગલે એક એવો વીડિયો વાયરલ થયો છે જેને જોઇને એમ થાય કે અહીં પણ આવુ થાય છે ?  ગંભીર પરિસ્થિતિ વચ્ચે ખેડૂતની કરામતે લોકોને હસતા કરી દીધા છે.  ઓસ્ટ્રિયામાં યુક્રેનના રાજદૂત ઓલેક્ઝાન્ડર શેરબાએ એક વીડિયો શેર કર્યો છે. આ હુમલા વચ્ચે યુક્રેનના એક ખેડૂતે રશિયન ટેન્ક ચોરી લીધી હોવાનું જોવા મળે છે. વીડિયોમાં જોવા મળી રહ્યું છે કે યુક્રેનનો ખેડૂત ટ્રેક્ટર વડે ટેન્કને ખેંચી રહ્યો છે. તેની પાછળ એક માણસ ટેન્કને લઇ જતી રોકવા માટે પાછળ દોડી રહ્યો છે. વીડિયોમાં કેપ્શન લખવામાં આવ્યુ છે કે આવુ પહેલી વાર થયુ જ્યારે ખેડૂત ટેંકની ચોરી કરી રહ્યો હોય

If true, it’s probably the first tank ever stolen by a farmer… ))
Ukrainians are tough cookies indeed. #StandWithUkraine #russiagohome pic.twitter.com/TY0sigffaM

— olexander scherba🇺🇦 (@olex_scherba) February 27, 2022

યુઝર્સ પેટ પકડીને હસી રહ્યા છે

સોશિયલ મીડિયામાં આ વીડિયો શેર કર્યા બાદ લોકોનું હસવાનું નથી રોકાઇ રહ્યું, એક યુઝરે લખ્યુ કે  આ અઠવાડિયે ભયાનક હુમલાઓ શરૂ થયા પછી હું પહેલીવાર હસું છું. ઘણા વધુ યુઝર્સે કહ્યું કે આ વીડિયો જોયા પછી તેઓ હસવાનું રોકી શક્યા નથી.

કિવમાં ભીષણ લડાઇ

હાલમાં યુક્રેનની રાજધાની કિવમાં ભીષણ લડાઈ ચાલી રહી છે. યુક્રેનની સેનાએ સોમવારે કહ્યું કે કિવમાં સ્થિતિ હજુ પણ તેના નિયંત્રણમાં છે. યુક્રેનિયન આર્મી ગ્રાઉન્ડ ફોર્સે ફેસબુક પર પોસ્ટ કર્યું: 'યુક્રેનિયન દળોએ હજુ પણ કિવ પર નિયંત્રણ મેળવ્યું છે, કારણ કે રાત્રે કિવની બહારના ભાગમાં રશિયન સૈનિકોના વારંવારના પ્રયાસો નિષ્ફળ ગયા છે.' યુક્રેનના સ્થાનિક "રશિયન દળો કોઈપણ મોટા પ્રાદેશિક શહેરોને નિયંત્રિત કરવામાં નિષ્ફળ ગયા, અને યુક્રેનિયન દળોએ ગઈકાલે રાત્રે તમામ મોરચે રશિયનોને હાંકી કાઢ્યા," એજન્સીએ કહ્યું. શહેરો પર હવાઈ હુમલા કરવામાં આવ્યા છે, પરંતુ યુક્રેનિયન એર ડિફેન્સ સિસ્ટમ હુમલાઓનો સામનો કરી રહી છે.