યુક્રેનના મંત્રી એંટોન ગેરાશચેંકોએ દાવો કર્યો છે કે, રશિયાના રક્ષામંત્રી સર્ગેઈ શોઈગુને રશિયાના રાષ્ટ્રપતિ વ્લાદિમીર પુતિન સાથે આકરી બોલાચાલી બાદ હાર્ટઅટેક આવ્યો છે.
રશિયાના રક્ષામંત્રીને હાર્ટઅટેક આવ્યો હોવાનો દાવો
પુતિન ખખડાવ્યા હોવાનો કર્યો દાવો
હમણાથી જાહેરમાં નથી દેખાતા
યુક્રેનના મંત્રી એંટોન ગેરાશચેંકોએ દાવો કર્યો છે કે, રશિયાના રક્ષામંત્રી સર્ગેઈ શોઈગુને રશિયાના રાષ્ટ્રપતિ વ્લાદિમીર પુતિન સાથે આકરી બોલાચાલી બાદ હાર્ટઅટેક આવ્યો છે. મંત્રીએ કહ્યું કે, પુતિને યુક્રેનમાં પોતાના વિશેષ સૈન્ય અભિયાનની નિષ્ફળતા માટે તેમને જવાબદાર ઠેરવ્યા હતા. જેના કારણે બંને નેતાઓ વચ્ચે બોલાચાલી અને મતભેદ થયાં હતા.
11 માર્ચ બાદ જાહેરમાં દેખાયા નથી
યુક્રેનના મંત્રીએ આગળ કહ્યું કે, આ જ કારણ છે કે, રક્ષામંત્રી, જેને યુદ્ધનો બીજો માસ્ટરમાઈન્ડ માનવામાં આવે છે, 11 માર્ચ બાદથી જનતા વચ્ચે દેખાયા નથી. જો કે, 24 માર્ચે રશિયાના રક્ષામંત્રીએ ફરી એક વાર ટેલીવિઝન પર દેખાયા હતા. જો કે, એ જાણવા નથી મળ્યું કે, ફુટેજ નવા હતા કે જૂના. થોડા સમય માટે જનતા વચ્ચેથી ગાયબ થવાના કારણે અટકળો લગાવામાં આવી હતી કે, યુક્રેન પર હજૂ સુધી કબ્જો નહીં કરી શકવાના કારણે તેમને દંડ મળ્યો છે.
વીડિયો કોલમાં દેખાઈ ફક્ત તેમની તસ્વીર
એક અંગ્રેજી ચેનલને પોતાના રિપોર્ટમાં કહ્યું છે કે, શોઈગૂ યુક્રેનમાં સૈન્ય અભિયાનને લઈને રાષ્ટ્રીય સુરક્ષા પરિષદમાં કોઈ અન્ય જગ્યાએથી જાણકારી આપી રહ્યા હતા. અને ફક્ત તેમનો અવાજ આવી રહ્યો હતો. આ પ્રસારિત કરવામાં આવેલા વીડિયોમાં શેઈગૂને પ્રત્યક્ષ રીતે જોઈ શકાતા નહોતા. પુતિને યુદ્ધની જાણકારી આપનારા અન્ય લોકોની માફક આ વીડિયો કોલમાં ફક્ત તેમની તસ્વીર દેખાઈ રહી હતી.
યુક્રેન પર રશિયાના હુમલાને એક મહિનો પુરો થયો
યુક્રેન પર રશિયાના હુમલાને એક મહિનો પુરો થઈ ગયો છે. જંગનો આજે 31મો દિવસ છે. તેની સાથે જ રશિયા તરફથી દાવો કરવામાં આવ્યો છે કે, તેણે યુક્રેન પર હિમલાના પ્રથમ તબક્કો પુરો કરી લીધો છે. એક રશિયન જનરલ તરફથી દાવો કરવામાં આવ્યો છે કે, સૈન્ય અભિયાનના પ્રથમ તબક્કામાં ટાર્ગેટ રશિયાએ સફળતાપૂર્વક પુરો કરી લીધો છે. ત્યાર બાદ હવે બીજા તબક્કા તરફ આગળ વધી રહ્યા છીએ.