ભારે કરી / મોંઘવારીએ તો હદ વટાવી! પોતાનાં પતિને ભાડે આપી રહી છે મહિલા, કારણ જાણીને લાગશે ઝટકો

• UKમાં એક મહિલા તેના પતિને ભાડે આપી રહી છે
• પતિને આવડે છે ઘરનુ બધુ કામ
• પત્ની પતિના ટેલેન્ટને વિકસાવવા માંગે છે

પતિને ફાવે છે ઘરનું કામ

પતિ-પત્નીએ વિચાર્યુ કે કેમ પતિની આ સ્કિલથી થોડા પૈસા પણ કમાવી લેવામાં આવે. પતિ રેન્ટ પર આપનારી મહિલાનું નામ લૌરા યંગ છે. તેનો પતિ ઘરના કામમાં તેની ખૂબ મદદ કરે છે. મીડિયાના એક રિપોર્ટ  મુજબ લોરાના પતિનુ નામ જેમ્સ છે, તેમને ત્રણ બાળકો છે. જેમ્સ દરેક કામમાં લોરાની મદદ કરે છે. લોરાએ જણાવ્યું કે જેમ્સે ઘર માટે બેડ્સ તૈયાર કર્યા છે. જેમાં 9 ફૂટના ફેમિલી બેડનો સમાવેશ પણ થાય છે. તેણે ઘરના કિચનની પણ ફિટીંગ કરી છે અને એકદમ સ્ક્રેચથી ડાઈનિંગ ટેબલ તૈયાર કર્યુ છે. લોરાનુ કહેવુ છે કે જેમ્સને પેઈન્ટિંગ, ડેકોરેશન, ટાઇલ્સ અને કાર્પેટ નાખવાનુ કામ પણ આવડે છે.  

પત્નીએ વિચાર્યુ, 'પતિના ટેલેન્ટનો કેમ ઉપયોગ ના કરવામાં આવે?'

લોરાએ કહ્યું, જેમ્સને આ બધા કામ ફાવે છે તો તેના ટેલેન્ટનો કેમ ઉપયોગ ના કરવામાં આવે અને તેને રેન્ટ પર મોકલવામાં આવે. લોરાએ જણાવ્યું લોકો તેની વેબસાઈટમાં વધુ રૂચિ બતાવી રહ્યાં છે. પરંતુ કેટલાંક એવા પણ છે, જેને આ વિચાર સારો લાગતો નથી. તેમને લાગી રહ્યું છે, હું કોઈ ખોટુ કામ કરાવી રહી છુ. પરંતુ મારી પાસે રૂપિયાની કમી હશે તો પણ ખોટુ કામ નહીં કરાવુ. જેમ્સ તિજોરીઓ બનાવે છે, રૂમમાં ફિટીંગ કરે છે. તેમણે જણાવ્યું કે જેમ્સ મોટર મિકેનિકના અભ્યાસ માટે કૉલેજ પણ જવા માગે છે. જેના માટે પરિવારને રૂપિયાની જરૂર છે.