રશિયાએ યૂક્રેનના બે પ્રાંતોને અલગ દેશ જાહેર કરીને આંતરરાષ્ટ્રીય કરાર તોડનાર રશિયાની સામે પશ્ચિમી દેશોએ કાર્યવાહી શરુ કરી દીધી છે.
યૂક્રેનના ફાડીયા પાડનાર રશિયા પર ક્રોધે ભરાયા પશ્ચિમી દેશો
બ્રિટને પહેલા કરી સૌથી મોટી કાર્યવાહી
બ્રિટને રશિયન બેન્કો અને લોકોના ખાતા પર લગાવ્યો પ્રતિબંધ
યૂક્રેનના ફાડીયા પાડીને ત્યાં સેનાના ઘુસાડી દેનાર રશિયાની સામે પશ્ચિમ જગતના દેશોએ કાર્યવાહી શરુ કરી દીધી છે. સૌથી પહેલા બ્રિટને તેની જાહેરાત કરીને રશિયાને પરચો દેખાડ્યો છે. બ્રિટન સરકારે રશિયન બેન્કો અને લોકોના બેન્ક ખાતા પર પ્રતિબંધ મૂકવાની જાહેરાત કરી છે. બ્રિટનના પ્રધાનમંત્રી બોરિસ જોન્સનને ટાંકીને સમાચાર એજન્સીએ એવું જણાવ્યું કે બ્રિટન સરકારે રશિયાની પાંચ બેન્કો અને હાઈ નેટવર્ક ધરાવતા 3 બેન્ક ખાતા પર તાત્કાલિક અસરથી પ્રતિબંધ મૂકી દીધો છે.
UK to impose sanctions on five Russian banks, three 'very high-net-worth individuals' following Moscow troop deployment, AFP News Agency quotes UK PM Boris Johnson
અમેરિકા પણ આકરા પ્રતિબંધો મૂકશે
યૂક્રેના બે વિસ્તારોને અલગ દેશ તરીક જાહેર કરવાનું રશિયાનો નિર્ણય પશ્ચિમી દેશોએ માફક આવ્યો નથી અને તેઓ તેઓ ક્રોધે ભરાયા છે અને હવે બ્રિટન, જર્મની, ફ્રાન્સ, અમેરિકા સહિતના દેશો તેની પર પ્રતિબંધ મૂકવાનીવાતો કરી રહ્યાં છે. બ્રિટને તો શરુઆત પણ કરી દીધી છે. હવે અમેરિકાનો વારો છે. અમેરિકાએ રશિયાની સામે કઠોર કાર્યવાહી કરવાનું પણ જણાવી દીધું છે.
પશ્ચિમી દેશો પોતપોતાની રીતે મૂકશે પ્રતિબંધો
બ્રિટન, જર્મની, ફ્રાન્સ, અમેરિકા સહિતના દેશો પોતપોતાની રીતે પ્રતિબંધો મૂકીને રશિયાને પાઠ ભણાવશે. આ તમામ દેશોના વડાઓએ પણ આ વાત કહી ચૂક્યા છે.
પ્રમુખ પુતિને યૂક્રેનના બે પ્રાંતને અલગ દેશ તરીકે માન્યતા આપી
રશિયા અને યુક્રેન વચ્ચે તણાવ ચરમ પર છે. આ તમામની વચ્ચે રાષ્ટ્રપતિ વ્લાદિમીર પુતિને રાષ્ટ્રને સંબોધિત કર્યું હતું. રાષ્ટ્રને સંબોધન કરતા રશિયાઈ રાષ્ટ્રપતિ પુતને જે એલાન કર્યું છે, તેનાથી બંને દેશો વચ્ચે તણાવ વધી શકે છે. પુતિને એલાન કર્યું છે કે, રશિયા, પૂર્વ યુક્રેનને બે અલગ અલગ ક્ષેત્રોની સ્વતંત્રતાને માન્યતા આપશે. રશિયા , સ્વઘોષિત ગણરાજ્ય ડોનેત્સ્ક અને લુગંસ્કને અલગ દેશ તરીકે માન્યતા આપશે.