મહામારી / બ્રિટનમાં શરુ થઈ ગઈ ત્રીજી લહેર, 24 કલાકમાં સામે આવ્યાં 1.06 લાખ નવા કેસ, દુનિયા કાંપી ઉઠી

• બ્રિટનમાં કોરોનાનો હાહાકાર 
• 24 કલાકમાં સામે આવ્યાં 1.06 લાખ નવા કેસ
• ઓમિક્રોનના પણ 8 હજારથી વધારે કેસ આવ્યાં
• ક્રિસમસ પર લોકડાઉનની તૈયારી

બ્રિટનમાં કોરોના અને તેના વેરિયન્ટ ઓમિક્રોને હાહાકાર મચાવી દીધો છે. છેલ્લા ચોવીસ કલાકમા બ્રિટનમાં 1થી લાખથી વધારે કોરોના કેસ આવતા દુનિયામાં હડકંપ મચ્યો છે. બ્રિટનમાં અત્યાર સુધી ઓમિક્રોન વેરિયન્ટથી 12 લોકોના મોત થતા જોન્સન સરકારે નાતાલના દિવસે લોકડાઉન લગાડવાની તૈયારી કરી છે. અત્યાર સુધીમાં નવા વેરિયન્ટે 12 લોકોનો ભોગ લીધો છે. જોન્સન સરકારે દેશમાં લોકડાઉન લગાડવાની તૈયારી કરી છે. સરકારને ડર છે કે જો ક્રિસમસના તહેવારમાં લોકડાઉન ન લગાડાયું તો દેશની હાલત બેકાબુ થઈ શકે છે. 

ડેપ્યુટી પીએમે કહ્યું હતું, લોકડાઉનનો ઈન્કાર નહીં 
બ્રિટનના ઉપપ્રધાનમંત્રી ડોમિનિક રોબે જણાવ્યું કે બ્રિટનમાં કોરોનાના ઓમિક્રોન વેરિયન્ટને કારણે અત્યાર સુધી 12 લોકોના મોત થયા છે. ક્રિસમસ પહેલા દેશમાં લોકડાઉન લગાડવાનો ઈન્કાર ન થઈ શકે. તેમણે કહ્યું કે હજુ દેશમાં કોરોનાનું પીક આવ્યું નથી. તેથી આગામી એક મહિનામાં બ્રિટનમાં સંક્રમણની ઝડપ વધી શકે છે. 

બ્રિટનમાં ઓમિક્રોનથી સંક્રમિત 104થી વધારે લોકો હોસ્પિટલમાં ભરતી 
ઉપપ્રધાનમંત્રી ડોમિનિક રોબે જણાવ્યું કે દેશમાં ઓમિક્રોનથી સંક્રમિત 104 લોકો હજુ અલગ અલગ હોસ્પિટલોમાં દાખલ છે. નવા નવા વિસ્તારોમાં ઓમિક્રોન ફેલાઈ રહ્યો છે. તેમણે લોકડાઉનની સંભાવનાનો ઈન્કાર કર્યો નથી. 

એક મહિનામાં 91 દેશોમાં ફેલાયો ઓમિક્રોન
સૌથી પહેલા 24 નવેમ્બરે દક્ષિણ આફ્રિકામાં મળેલા ઓમિક્રોન વેરિયન્ટ અત્યાર સુધી દુનિયાના 91 દેશોમાં ફેલાયો છે. હજુ પણ નવા નવા દેશોમાં પગપેસારો કરી રહ્યો છે. ઓમિક્રોન વેરિયન્ટ ડેલ્ટા કરતા 70 ઘણું વધારે સંક્રમણ ફેલાવી શકે છે. 

Britain reports record 106,122 new COVID-19 cases https://t.co/hPo8AtsekX pic.twitter.com/7tya4sUrwK

— Reuters UK (@ReutersUK) December 22, 2021

ત્રીજી લહેરનો સંકેત

નિષ્ણાંતોના જણાવ્યાનુસાર બ્રિટનમાં કોરોનાની ત્રીજી લહેર શરુ થઈ છે. આજના 1 લાખથી વધારે કેસની ઉપરાંત છેલ્લા 5 દિવસથી કોરોના અને ઓમિક્રોનના કેસમાં લગાતાર ઉછાળો આવી રહ્યો છે.