બ્રિટનના વડા પ્રધાનપદની રેસમાં સૌથી આગળ ચાલી રહેલા ઋષિ સુનકે ચીનને ઘરેલુ અને વૈશ્વિક સુરક્ષા માટે ખતરા નં.૧ ગણાવ્યું છે.
બ્રિટેનમાં વડાપ્રધાન બનવાની રેસમાં આ ભારતીય ટોચ પર
ઋષિ સુનકે ચીનને લઈને આપી દીધી ચેતવણી
જો તેઓ વડાપ્રધાન બનશે તો....
બ્રિટનના વડા પ્રધાનપદની રેસમાં સૌથી આગળ ચાલી રહેલા ઋષિ સુનકે ચીનને ઘરેલુ અને વૈશ્વિક સુરક્ષા માટે ખતરા નં.૧ ગણાવ્યું છે. તેમણે જણાવ્યું હતું કે, ચીન માત્ર યુકે માટે જ નહીં, પરંતુ સમગ્ર દુનિયા માટે એક નંબરના ખતરા સમાન છે અને હું બ્રિટનનાં વડા પ્રધાન બનતાની સાથે જ ચીન સામે કડક વલણ અપનાવીને તેને બરાબર પાઠ ભણાવીશ.
બ્રિટેનના વડાપ્રધાન બનવાની રેસમાં
બ્રિટનના વડા પ્રધાનપદ માટેની રેસમાં રહેલા તેમના હરીફ ઉમેદવાર લીઝ ટ્રસે એવો આક્ષેપ કર્યો હતો કે, પૂર્વ નાણાપ્રધાન ઋષિ સુનક ચીન અને રશિયાની બાબતમાં નબળા પડશે. તેના જવાબમાં સુનકે સ્પષ્ટ શબ્દોમાં જણાવી દીધું છે કે, તેઓ યુકેના પીએમ બનવાની સાથે જ ચીન વિરુદ્ધ અત્યંત કડક વલણ અને નીતિ અપનાવશે. સુનકે રજૂ કરેલા પ્રસ્તાવમાં બ્રિટનની તમામ ૩૦ કન્ફ્યુશિયસ સંસ્થાઓ બંધ કરી દેવાના પ્રસ્તાવનો પણ સમાવેશ થાય છે.
દેશની યુનિવર્સિટીમાં હાંકી કાઢવાની વાત
તેમણે ચીનની કમ્યુનિસ્ટ પાર્ટી (સીસીપી)ને દેશની યુનિવર્સિટીમાંથી હાંકી કાઢવાની પણ ખાતરી આપી છે. તેમણે જણાવ્યું છે કે બ્રિટનની ઘરેલુ જાસૂસી એજન્સી એમ-૧૫નો ઉપયોગ ચીનની જાસૂસી સામે કામ લેવા માટે કરવામાં આવશે. સુનકે એવો દાવો કર્યો છે કે ચીન આપણી ટેક્નોલોજીની ચોરી કરી રહ્યું છે અને આપણી યુનિવર્સિટીઓમાં ઘૂસણખોરી કરી રહ્યું છે.