IPLIN
 

Brexit / બ્રિટન અને યુરોપિયન સંઘ નવી બ્રેક્ઝિટ ડીલ કરવાં તૈયાર, શનિવાર UK સંસદમાં રજૂ થશે

Team VTV 04:59 PM, 17 Oct 19 | Updated: 05:05 PM, 17 Oct 19
Follow us
UK pm boris johnson britain and european union brexit deal done

બ્રિટિશ પ્રધાનમંત્રી બોરિસ જૉનસને ગુરૂવારે ટ્વીટ કરીને દાવો કર્યો છે કે તેમને નવી બ્રેક્ઝિટ ડીલ મળી ગઇ છે, જે તેમના માટે ઉત્તમ છે. યૂરોપિયન સંઘ અને બ્રિટન વચ્ચે છેલ્લા ઘણા દિવસોથી આ ડીલને લઇને ચર્ચા ચાલી રહી હતી, હવે તમામ મુદ્દાઓ ઉકેલાયા છે. યૂરોપિયન કમિશનના પ્રમુખ જૉન જંકરે પણ એવો જ દાવો કર્યો છે.

  • બ્રિટન અને યૂરોપિયન સંઘમાં નવી બ્રેક્ઝિટ ડીલ
  • બ્રિટન પ્રધાનમંત્રી બોરિસ જૉનસને કર્યું એલાન
  • બ્રસલ્સ સમિટ પહેલા બ્રિટેનને મળી મોટી સફળતા

બ્રિટિશ પ્રધાનમંત્રી બોરિસ જૉનસને ગુરૂવારે ટ્વિટ કર્યું કે અમને નવી બ્રેક્ઝિટ મળી છે, જે અમને તાકાત પાછી આપશે. હવે માત્ર સંસદે આ શનિવારે બ્રેક્ઝિટને મંજૂરી આપવાની છે, જેનાથી અમે આગળની પ્રક્રિયાને પૂરી કરી શકીએ. જણાવી દઇએ કે બોરિસ જૉનસે દાવો કર્યો હતો કે તેઓ 31 ઓક્ટોબર સુધી બ્રેક્ઝિટ ડીલને પૂરી કરી દઇશું.

યૂરોપિયન સંઘના પ્રમુખ જૉન જંકરે એક પત્રમાં કહ્યું છે કે તેઓ યૂરોપિયન સંઘે 27 સભ્યોને પત્ર લખશે કે આ ડીલને મંજૂરી આપે, કારણ કે હવે સમય આવી ગયો છે કે આ પ્રક્રિયાને પૂરી કરવામાં આવે.

જણાવી દઇએ કે નવી ડીલ માટે બ્રિટન અને યૂરોપિયન સંઘ વચ્ચે લાંબા સમયથી વાતચીત ચાલી રહી હતી. બ્રિટન અને યૂરોપિયન સંઘ વચ્ચે આ મોટો કરાર બ્રસલ્સની સમિટ પહેલા જ થયો છે.

બ્રેક્ઝિટ શું છે?

બ્રેક્ઝિટ બ્રિટન એક્ઝીટ પરથી આવેલો શબ્દ છે. જેનો અર્થ છે બ્રિટન દેશનું યુરોપિયન સંઘ જૂથમાંથી બહાર નીકળવું.

                                                                                                      Source : Brilliant Maps

બ્રિટન, યુનાઈટેડ કિન્ગ્ડમ, અને ઇંગ્લેન્ડ વચ્ચે શું ભેદ છે?

આપેલ મેપમાં જોઈ શકાય છે તે મુજબ ઇંગ્લેન્ડ, સ્કોટલેંડ અને વેલ્સ આ ત્રણ દેશો ભેગા મળીને ગ્રેટ બ્રિટન બનાવે છે. જયારે આ ત્રણેય દેશો અને આયર્લેન્ડનો ઉત્તરી ભાગ (નોર્ધન આયર્લેન્ડ) આ ૪ ક્ષેત્રો ભેગા થઇને UK બનાવે છે. 

યુરોપિયન યુનિયન શું છે?

યુરોપિયન સંઘ ૨૮ યુરોપના દેશોનો બનેલો સમૂહ છે. આ જુથે પોતાના દેશોના આર્થિક, સામાજિક અને રાજકીય વિકાસ માટે યુરોપિયન સંઘ જૂથને એક મોટા દેશ તરીકેનો દરજ્જો મળ્યો હોય તેવી વ્યવસ્થા ગોઠવી છે. યુરોપિયન સંઘના કોઈ પણ દેશમાં રહેતો વ્યક્તિ યુરોપિયન સંઘનાં બીજા કોઈ પણ દેશમાં વસવાટ કરી શકે છે, ધંધો કરી શકે છે અને પાસપોર્ટ વિઝા વગર ટ્રાવેલ કરી શકે છે. તમામ ૨૮ દેશોએ એકબીજા સાથેના વ્યાપાર, બીજા દેશો સાથેના વ્યાપાર, ઉત્પાદનની આયાત, નિકાસ વગેરેની એવી ગોઠવણ કરવાનો પ્રયત્ન કર્યો છે જેથી તમામ સભ્યોને લાભ મળી રહે. આ જુથ સભ્યદેશો પાસેથી સભ્યપદ અને તેમને મળતા આર્થિક લાભોના બદલામાં મેમ્બરશીપ ફીઝ વસુલ કરે છે.

Brexit Boris Johnson Britain European બ્રેક્ઝિટ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ