સારા સમાચાર / બ્રિટનમાં આવતા અઠવાડિયાથી ઓક્સફોર્ડની કોરોનાની રસી આપવાની તૈયારી, જાણો ભારત માટે કેમ છે સારા સમાચાર

• 100 કરોડ ડોઝની સીરમ ઈન્સ્ટીટ્યૂટ ઓફ ઈન્ડિયાએ ડીલ કરી છે
• ઓક્સફોર્ડની રસીની પહેલી બેચ પુરી પાડવામાં આવે તેવી યોજના
•  લંડનના એક હોસ્પિટલે રસીને રિસીવ કરવાની તૈયારી કરવા માટે કહ્યું 

હાલમાં ઓક્સફોર્ડ અને એસ્ટ્રાઝેનેકા દ્વારા તૈયાર આ રસીના હ્યુમન ટ્રાયલ ચાલી રહ્યા છે. જો 2 નવેમ્બરે યુકેમાં રસી રોલઆઉટ થઈ જાય છે તો ભારત માટે આ સારા સમાચાર છે. એસ્ટ્રાઝેનેકાની આ રસીના 100 કરોડ ડોઝની સીરમ ઈન્સ્ટીટ્યૂટ ઓફ ઈન્ડિયાએ ડીલ કરી છે.

રિપોર્ટમાં દાવો કરવામાં આવ્યો છે કે લંડનના આ હોસ્પિટલમાં તમામ ક્લિનિકલ ટ્રાયલ રોકી દેવામાં આવ્યા છે. તમામ સંસાધનોને હવે ડૉક્ટર, નર્સ અને અન્ય ફ્રન્ટલાઈન સ્ટાફને રસી લગાવવાની તૈયારી છે. જો કે રિપોર્ટમાં એમ પણ કહેવામાં આવ્યું છે કે રસીને ડિપ્લોય ત્યારે કરવામાં આવશે જ્યારે આ ક્લિનિકલ  ટ્રાયલમાં સેફ અને અસરદાર સાબિત થાય. તેને સ્વતંત્ર્ય રેગ્યુલેટરી મંજૂરી પણ મેળવવી પડશે. ગત અઠવાડિયે એક સ્વતંત્ર એનાલિસિસમાં ઓક્સફોર્ડની રસીને આશા ગણાવાઈ રહી છે.

એસ્ટ્રેઝેનેકાએ સીરમ ઈન્સ્ટીટ્યૂટની સાથે 1 બિલિયન ડોઝની ડીલ કરી રાખી છે. 100 કરોડ ટીકા નિમ્ન અને મધ્યમ વર્ગના દેશોને પુરા પડાશે. જ્યારે CEPI અને Gavi સાથે પણ 30 કરોડ ડોઝની ડીલ કરી છે. SII દુનિયાની 60 ટકા રસી તૈયાર કરે છે. Gavi પણ અનેક રસીની મુખ્ય ઉત્પાદક છે. ત્યારે રસી સફળ રહે છે તો ભારતમાં તેના આવવાના ચાન્સિસ વધી જાય છે. તેને DCGIની પરવાનગી લેવાની રહેશે.

ઓક્સફોર્ડની રસીને લઈને વધુ એક સારા સમાચાર એ છે કે તાજા રિપોર્ટમાં વૃદ્ધો પર પણ તે અસરકારક થઈ રહી છે. રસીથી વૃદ્ધોના શરીરમાં પ્રોટેક્ટિવ એન્ટીબોડીઝ અને ટી સેલ્સનું નિર્માણ થયું છે. આખી દુનિયાની નજર આ રસી પર છે.