ઝારખંડમાં બ્રિટનના ખતરનાક વાઈરસ તથા 4 દર્દીઓમાં તો કોરોનાના ડબલ વાઈરસનો પહેલો કેસ સામે આવતા હડકંપ મચ્યો છે.
ઝારખંડના 9 દર્દીઓમાં બ્રિટનવાળો કોરોના મળ્યો
4 દર્દીઓમાં તો ડબલ મ્યૂટેંટ સ્ટ્રેન
ઝારખંડની ઉપરાંત 18 રાજ્યોમાં કોરોનાના નવા સ્વરુપ જોવા મળ્યું
52 સેમ્પલોની તપાસ, 9 દર્દીઓમાં થયો બ્રિટનવાળો કોરોના
રાજ્યના આરોગ્ય વિભાગ દ્વારા બહાર પાડવામાં આવેલી સત્તાવાર પ્રેસ રિલિઝમાં કહેવાયું કે ઝારખંડમાંથી કોરોનાના 52 સેમ્પલોને તપાસ અર્થે ભુવનેશ્વરની લેબોરેટરીમાં મોકલાયા હતા. ભુવનેશ્વર લેબોરેટરી દ્વારા સોંપવામાં આવેલા 52 દર્દીઓના રિપોર્ટમાંથી 9 દર્દીઓમાં બ્રિટનનો વાઈરસ તથા 4 દર્દીઓમાં કોરોનાના ડબલ વાઈરસ જોવા મળ્યાં છે. 9 દર્દીઓમાંથી 8 રાંચીના છે જ્યારે 1 સિંહભૂમ જિલ્લાનો છે.
કોરોનાના નવા સ્વરુપ અંગે રાજ્ય સરકાર સતર્ક રહે
ઝારખંડની ઉપરાંત 18 રાજ્યોમાં કોરોનાના નવા સ્વરુપ જોવા મળ્યું છે. આ નવા વેરિએન્ટ ત્રણ દેશોમાંથી ફેલાયા છે. પહેલું વેરિએન્ટ સૌથી વધારે ખતરનાક હોવાનું મનાય છે. રાજ્ય સરકારો પણ હવે વધારે સચેત બની ગઈ છે. કોરોનાના નવા સ્વરુપના કેસો સામે આવતા ખળભળી ઉઠેલી ઝારખંડ સરકારે લોકોને કોવિડ-19 ની ગાઈડલાઈનનું કડકાઈથી પાલન કરવાનું જણાવ્યું છે.
પહેલી વાર દેશમાં રેકોર્ડ 1 લાખ 85 હજારથી વધારે કેસ આવ્યા
ભારતમાં કોરોના સંક્રમણ બેકાબુ રફ્તાર ચાલુ છે. દેશમાં કોરોનાના દર્દીઓ અને મોતના આંકમાં સતત વધારો થઈ રહ્યો છે. પહેલી વાર દેશમાં રેકોર્ડ 1 લાખ 85 હજારથી વધારે કેસ આવ્યા છે. ભારતમાં કોરોનાના એક્ટિવ મામલા હવે 13 લાખને પાર થઈ ગયા છે. ઉલ્લેખનીય છે કે કેટલાક દિવસોમાં દેશમાં સતત દોઢ લાખથી વધારે કોરોનાના પોઝિટિવ કેસ આવ્યા છે.
24 કલાકમાં 1.85 લાખથી વધારે નવા કેસ આવ્યા
વર્લ્ડોમીટર અનુસાર ગત 24 કલાકમાં 1.85 લાખથી વધારે નવા કેસ આવ્યા બાદ સંક્રમિતોની કુલ સંખ્યા 1.38 કરોડને પાર પહોંચી ગઈ છે. જ્યારે 1 હજારથી વધારે મોત થતા કુલ મોતનો આંક 1, 72, 115 થઈ ગઈ છે. ગત દિવસોમાં સતત પોઝિટિવ આવનારા મામલાની સાથે કોરોનાથી સાજા થનારાના દરમાં ઘટાડો થયો છે.કોરોના પર કાબુ મેળવવા માટે મહારાષ્ટ્રમાં આજ રાત 8 વાગ્યાથી કડક નિયમો લાગૂ થશે. મહારાષ્ટ્રમાં બ્રેક ધ ચેન નામનુ અભિયાન હેઠળ 15 દિવસ સુધી કલમ 144 લાગૂ રહેશે. આ દરમિયાન ફક્ત જરુરી સેવાઓ માટે ઘરની બહાર નિકળી શકશો.