9000 હજાર કરોડના દેવા કૌભાંડમાં ભાગેડૂ જાહેર થયેલા લિકર કિંગ વિજય માલ્યાને મોટો ઝટકો લાગ્યો છે.
યૂકેની હાઇકોર્ટે માલ્યાને આદેશ કર્યો છે કે તેઓ સ્વિસ બેન્ક યુબીએસના 80 હજાર પાઉન્ડની રકમ ઝડપથી જમા કરાવી દે. જો વિજય માલ્યા આમ નહીં કરે તો લંડનમાં આવેલ મકાનમાંથી બહાર કાઢવામાં આવશે.
યૂબીએસ દ્વારા 28 ઓક્ટોબરના રોજ અરજી દાખલ કરવામાં આવી હતી કે કોર્ટે વિજય માલ્યાને પૈસા જમા કરાવવા આદેશ આપે.
ઉલ્લેખનીય છે કે વિજય માલ્યા તેમજ તેના પરિવારની કંપની રોજ કેપિટલ વેન્ચરે લંડનમાં આવેલ નિવાસ સ્થાનને પાંચ વર્ષ સુધી માર્ગેજ કરી તેના પર 20.4 મિલિયન પાઉન્ડની લોન 2012માં લીધી હતી. જો કે હજી સુધી માલ્યાએ આ લોન અદા કરી નથી.
જેના કારણે બેન્ક દ્વારા કોર્ટમાં અરજી કરવામાં આવી હતી અને વિજય માલ્યાને ઘરમાંથી બહાર કાઢી પ્રોપર્ટી પર કબજો કરવા ભલામણ કરી હતી.