ફટકો / UKની કોર્ટે માલ્યાને બેવરેજ કંપની ડિઓજિયોને 13.5 કરોડ ચૂકવવાનો આપ્યો આદેશ

બ્રિટન હાઈકોર્ટે માલ્યાને બ્રિટિશ બેવરેજ કંપની ડિઓજિયોને 13.5 કરોડ ચુકવવાનો આદેશ આપ્યો છે. માલ્યાએ 28 દિવસની અંદર આ ચૂકવણી કરવાની રહેશે. માલ્યાના વકીલે કહ્યું કે, એગ્રિમેન્ટ સમયે ડિયોજિયોએ મૌખીક રીતે વિશ્વાસ અપાવ્યો હતો કે જ્યાં સુધી ભારતના વિવાદનો ઉકેલ નહીં આવે ત્યાં સુધી તેઓ તેમની રકમ વસુલવા માટેનો દાવો નહીં કરે. નિર્ણય સમયે માલ્યા કોર્ટમાં હાજર ન હતો. 

ડિઓજિયોએ માલ્યા, દીકરા સિદ્ધાર્થ અને પરિવારથી સંબંધિત બે કંપનીઓ સામે ચૂકવણીનો દાવો કર્યો હતો. ડિઓજિયોએ ફેબ્રુઆરી 2016માં માલ્યાની કંપની યૂનાઈટેડ સ્પ્રિટ્સ લિમિટેડમાં કંટ્રોલિંગ ભાગીદારી ખરીદવા માટે રકમની ચૂકવણી કરી હતી પરંતુ તેઓ શેર એક્સેસ નહતા કરી શક્યા. આ કેસ સાથે જોડાયેલા 4 કરોડ ડોલરના દાવાનો કેસ ચાલશે. ડિયોજિયોએ માલ્યાને સીધી આ રકમ આપી હતી. આમ તેણે માલ્યા પર કુલ 17.5 કરોડ ડોલર ચૂકવવાનો દાવો કર્યો હતો.

માલ્યાના પ્રત્યાર્પણ મામલે 2 જુલાઈના રોજ યુકે હાઈકોર્ટમાં સુનાવણી થશે. એક વાર અપીલ નકારી દેવામાં આવી છે. લંડન વેસ્ટમિંસ્ટર કોર્ટે ગયા વર્ષે માલ્યાના પ્રત્યર્પણની મંજૂરી આપી હતી. ત્યાંના ગૃહ સચિવે પણ મંજૂરી આપી દીધી હતી જેની વિરુદ્ધ માલ્યાએ હાઈકોર્ટમાં અપીલ કરી હતી.માલ્યા પર ભારતીય બેન્કોના રૂ. 9,000 કરોડ બાકી છે.