દુનિયામાં કોરોના વાઇરસના અત્યાર સુધી ૨,૭૭,૨૨,૨૭૫ કેસ સામે આવ્યા છે, તેમાં ૧,૯૮,૧૨,૮૮૬ દર્દી ઠીક થઇ ચૂક્યા છે જ્યારે ૯,૦૦,૮૭૮ લોકો મૃત્યુ પામ્યા છે.
કોરોના વાયરસે મચાવ્યો હાહાકાર
ઇંગ્લેન્ડ સરકારે સખત નિયમો બનાવ્યો
બ્રિટન સરકારે ઇંગ્લેન્ડમાં કોરોનાના કેસ ઝડપથી વધવા પર સખત નિયમો બનાવ્યા છે. હવે અહીં એકસાથે છ લોકો એકઠા નહીં થઇ શકે. પીએમ બોરિસ જોનસને આ જાણકારી આપી હતી. ઇંગ્લેન્ડમાં છેલ્લા ત્રણ દિવસમાં સંક્રમણના ૮૫૦૦ કેસ સામે આવ્યા છે. આ કારણે અહીં કોરોનાની બીજી લહેરનો ખતરો વધ્યો છે. સમગ્ર બ્રિટનની વાત કરીએ તો અહીં અત્યાર સુધી ૩.૫૨ લાખથી વધુ કેસ સામે આવ્યા છે અને ૪૧,૦૦૦થી વધુ લોકોએ જીવ ગુમાવ્યા છે.
૨૪ કલાકમાં ૫૦૪ લોકોના મૃત્યુ
બ્રાઝિલમાં છેલ્લા ૨૪ કલાકમાં ૫૦૪ લોકો મૃત્યુ પામ્યા છે અને ૧૪,૨૭૯ નવા કેસ સામે આવ્યા છે. દેશમાં સંક્રમિતોનો આંકડો ૪૧,૬૨,૦૭૩ સુધી અને મૃતકોની સંખ્યા ૧,૨૭,૪૬૪ સુધી પહોંચી ચૂકી છે. અહીં સૌથી વધુ પ્રભાવિત રાજ્ય સાઓ પાઉલો છે, ત્યાં ૮ લાખ કરતાં વધુ કેસ છે. ત્યારબાદ રિયો ડી જાનેરો છે, ત્યાં ૨.૩૩ લાખ કેસ છે.
૪ કલાકમાં ૭૬ નવા કેસ સામે આવ્યા
ઓસ્ટ્રેલિયામાં કોરોના વાઇરસના હોટ સ્પોટ વિક્ટોરિયા રાજ્યમાં ૨૪ કલાકમાં ૭૬ નવા કેસ સામે આવ્યા છે. ૧૧ લોકોએ જીવ ગુમાવ્યા છે. વિક્ટોરિયા દેશમાં બીજા નંબરનું સૌથી વધુ વસ્તી ધરાવતું રાજ્ય છે.
૮ લોકોએ જીવ ગુમાવ્યા
એક દિવસ પહેલાં અહીં સંક્રમણના ૫૫ કેસ સામે આવ્યા હતા અને ૮ લોકોએ જીવ ગુમાવ્યા હતા. ન્યૂઝીલેન્ડમાં કોમ્યુનિટી ટ્રાન્સમિશનના છ કેસ સામે આવ્યા છે. અહીંંના સૌથી મોટા શહેર ઓકલેન્ડમાં પરિસ્થિતિ બગડી છે. તમામ નવા કેસનું કનેક્શન ઓકલેન્ડના જ એક ચર્ચ સાથે છે. ઓકલેન્ડમાં પ્રતિબંધ કડક કરાયા છે. સ્વાસ્થ્ય અધિકારીઓએ ચર્ચ સાથે જોડાયેલા તમામ લોકોને કોરોના ટેસ્ટ કરાવવાનું કહ્યું છે.