સુવિધા / mAadhaar ફિઝિકલ આધાર કાર્ડની જેમ જ માન્ય ગણાશે, UIDAIએ એપને બનાવી વધુ સિક્યોર

• આ એપ ઘણી જ યુઝર ફ્રેન્ડલી છે
• યુઝર્સ એપને લોક કરી શકે છે
• એપની મદદથી આધાર યુઝર્સ તેની સંપૂર્ણ માહિતી મોબાઈલમાં રાખી શકે છે

UIDAIએ તેના ઓફિશિયલ ટ્વિટર એકાઉન્ટ પર એક ટ્વિટ દ્વારા આ અંગે જાણકારી આપી છે. UIDAI મુજબ યુઝર્સ આ ફીચરનો ઉપયોગ એપમાં આપેલાં  ‘My Aadhaar’ સેક્શનમાં આધાર પ્રોફાઈલ, આધાર લોક/અનલોક, બાયોમેટ્રિક લોક/અનલોક, VID જનરેટર, eKYCનો ઉપયોગ કરી શકશે. 

મોબાઈલમાં રાખી શકશો સંપૂર્ણ માહિતી

UIDAIએ ગત અઠવાડિયે જ તેની નવી એપ mAadhaar લોન્ચ કરી છે. યુઝર્સ માટે આ એપ ઘણી ફ્રેન્ડલી છે. આ એપની મદદથી આધાર યુઝર્સ તેની સંપૂર્ણ માહિતી મોબાઈલમાં રાખી શકે છે. સાથે જ mAadhaar ફિઝિકલ આધાર કાર્ડની જેમ જ માન્ય રહેશે. એપમાં આધાર કાર્ડ હોલ્ડરનું રજિસ્ટર્ડ નામ, જન્મ તારીખ, જેન્ડર, એડ્રેસ અને ફોટો સંબંધી ડિટેલ હશે. 

જૂની mAadhaar એપ થઈ જશે ડિસ્કન્ટિન્યૂ

UIDAIએ પહેલાં પણ mAadhaar એપ લોન્ચ કરી હતી. પરંતુ તેના નવા વર્ઝનને હવે લોન્ચ કરવામાં આવ્યો છે. UIDAIએ કહ્યું કે જો તમારી પાસે પહેલેથી જ ફોનમાં mAadhaarનું જૂનું વર્ઝન ડાઉનલોડ કરેલું હશે તો તેને uninstall કરીને નવી mAadhaar એપ ડાઉનલોડ કરી શકાશે. 

પોતાની પ્રોફાઈલને પર્સનલાઈઝ કરી શકાશે

UIDAIએ નવી એપ mAadhaarમાં આધાર સર્વિસ માટે 2 સેક્શન આપ્યા છે. જેમાં એક સર્વિસિઝ ડેશબોર્ડ છે અને બીજો માય આધાર સેક્શન છે. માય આધાર સેક્શન માટે જ એપમાં 4 ડિજિટ પાસકોડ એડ કરવામાં આવ્યો છે. માય આધાર પ્રોફાઈલમાં તમે તમારી પસંદની પર્સનલ પ્રોફાઈલ એડ કરી શકશો. તમે એપ સ્ટોરમાંથી આ એપને ડાઉનલોડ કરી શકો છો.