PVC આધારકાર્ડ મેળવવા UIDAIએ કરી જાહેરાત, રજિસ્ટર્ડ મોબાઇલ નંબર સિવાયના કોઇ પણ નંબરથી ઓર્ડર કરી શકાશે
PVC આધાર કાર્ડ મેળવો ઓનલાઇન
રજિસ્ટર્ડ મોબાઇલ નંબરની જરુર નહી
UIDAIએ કરી જાહેરાત
હવે પીવીસી આધારકાર્ડને ઓર્ડર કરવુ એકદમ સરળ રહેશે. UIDAIએ જાહેરાત કરતા જણાવ્યુ છે કે એક વ્યક્તિ ફક્ત સિંગલ મોબાઇલ નંબરનો ઉપયોગ કરીને આખા પરિવારના સભ્યો માટે પીવીસી આધાર કાર્ડ ઓર્ડર કરી શકે છે. હવે કોઈપણ મોબાઈલ નંબરનો ઉપયોગ ઓનલાઈન ઓથેન્ટિકેશન માટે OTP જનરેટ કરવા માટે થઈ શકે છે. UIDAI એ સ્પષ્ટ કર્યું છે કે દરેક PVC આધાર કાર્ડ ઓર્ડર માટે યુઝર્સે 50 રૂપિયા ચૂકવવા પડશે.
રજિસ્ટર્ડ મોબાઇલ નંબર જરુરી નહી
UIDAIએ એક વાત સ્પષ્ટ કરી છે કે તમે તમારા આધાર સાથે રજિસ્ટર્ડ મોબાઇલ નંબર સિવાયનો પણ મોબાઇલ નંબર ઉપયોગ કરી શકો છો. ઓટીપી મેળવવા માટે રજિસ્ટર્ડ મોબાઇલ નંબરની જરુર નથી. UIDAI એ તેના ટ્વીટમાં રજિસ્ટર્ડ મોબાઇલ નંબરનો ઉપયોગ કર્યા વિના પણ પીવીસી આધારકાર્ડ માટે ઓનલાઇન અરજી કરવા માટેની લિંક શેર કરી છે.
myaadhaar.uidai.gov.in/genricPVC
છેતરપિંડીનો કોઇ ડર નહી
આ પદ્ધતિમાં કોઇ પણ ફ્રોડ થવાનો ડર રહેતો નથી કારણ કે તમે ભલે ગમે તે નંબર પરથી ઓનલાઇન એપ્લાય કર્યુ હોય પરંતુ પીવીસી આધારકાર્ડ તો તમારા રજિસ્ટર્ડ એડ્રેસ પર પોસ્ટ દ્વારા આવશે.
શું હોય છે PVC આધાર
આધાર પીવીસી કાર્ડ એ આધારકાર્ડનો એક પ્રકાર છે. પીવીસીનો મતલબ છે Polyvinyl Chloride . આધાર પીવીસી કાર્ડ ડિઝિટલી સાઇન કરેલુ સુરક્ષિત ક્યુઆર કોડનું એક કાર્ડ હોય છે. જેને વૉલેટ કે પર્સમાં ડેબિટ અને ક્રેડિટ કાર્ડની જેમ રાખવામાં આવે છે. જેમાં ઓરિજિનલ આધારકાર્ડની તમામ ડિટેલ્સ હોય છે.
PVC આધાર કાર્ડ ઓનલાઈન કેવી રીતે ઓર્ડર કરવું
myaadhaar.uidai.gov.in/genricPVC પર લૉગિન કરી શકો છો
myaadhaar.uidai.gov.in/genricPVC પર લોગિન કરો.
તે પછી આધાર નંબર દાખલ કરો.
કેપ્ચા દાખલ કરો.
'ઓટીપી મોકલો' વિકલ્પ પર ક્લિક કરો.
OTP દાખલ કરો અને 'નિયમો અને શરતો' ના ચેક બોક્સ પર ક્લિક કરો.
OTP ચકાસણી પૂર્ણ કરવા માટે 'સબમિટ' બટન પર ક્લિક કરો.
હવે આધારની વિગતોનું પૂર્વાવલોકન તમારા કમ્પ્યુટર મોનિટર પર ઉપલબ્ધ થશે.
'ચુકવણી કરો' પર ક્લિક કરો.
તમને ક્રેડિટ/ડેબિટ કાર્ડ, નેટ બેંકિંગ અને UPI જેવા ચુકવણી વિકલ્પો સાથે પેમેન્ટ ગેટવે પેજ પર રીડાયરેક્ટ કરવામાં આવશે.
ડિજિટલ હસ્તાક્ષર સાથે રસીદ જનરેટ કરવામાં આવશે જેને તમે PDF ફોર્મેટમાં ડાઉનલોડ કરી શકો છો.
તમને SMS દ્વારા સેવા વિનંતી નંબર પણ પ્રાપ્ત થશે
આ નંબરથી તમે PVC આધાર કાર્ડની ડિલિવરી સ્થિતિ તપાસી શકશો