યુનિવર્સિટી ગ્રાંટ કમિશને હાલમાં જ અમુક નવી ડિગ્રીઓ માટે સ્પેસિફિકેશન જાહેર કર્યા છે. સાથે જ અમુક કાર્યક્રમો માટે કોર્સનો સમયગાળો પણ બદલાયો છે.
UGCનો મોટો નિર્ણય
અમુક કોર્સના સમયગાળામાં કર્યો ફેરફાર
સત્તાવાર નોટિફિકેશન જાહેર કર્યું
યુનિવર્સિટી ગ્રાંટ કમિશને હાલમાં જ અમુક નવી ડિગ્રીઓ માટે સ્પેસિફિકેશન જાહેર કર્યા છે. સાથે જ અમુક કાર્યક્રમો માટે કોર્સનો સમયગાળો પણ બદલાયો છે. આયોગે અલગ અલગ ડિગ્રી કાર્યક્રમોમાં પાત્રતા માપદંડોમાં ફેરફારની જાહેરાત કરી છે. જેના માટે નોટિફિકેશન પણ જાહેર કરી દેવામાં આવ્યું છે. સત્તાવાર નોટિફિકેશન ugc.ac.in પર મળી રહેશે. નોટિસ અનુસાર, માસ્ટર ઓફ કમ્પ્યુટર એપ્લીકેશન (MCA) કોર્સનો સમયગાળો ત્રણ વર્ષથી ઘટાડીને ફક્ત બે વર્ષ કરી દેવામાં આવ્યો છે. આવી જ રીતે બેચરલ ઓફ ઓક્યુપેશનલ થેરેપીના નવા કોર્સ ચાર વર્ષથી વધારીને સાડા ચાર વર્ષ કરી દેવામાં આવ્યા છે.
મેડિકલના ક્ષેત્રમાં નવી ડિગ્રી
જે વિદ્યાર્થી 12 ધોરણ પાસ કરી ચુક્યા છે અને મેડિકલના ક્ષેત્રમાં આવવા માગે છે, તે પણ એક નવી ડિગ્રી એટલે કે, બેચલર ઓફ સોવા રિગ્પા મેડિસિન એન્ડ સર્જરી માટે અરજી કરી શકે છે. આ કોર્સનો સમયગાળો સાડા પાંચ વર્ષનો છે. કોઈ પણ ડિગ્રી જેનો ઉલ્લેખ નોટિફિકેશનમાં નથી તે બાદના સંસોધનને યુજીસી દ્વારા ગેરમાન્યતા પ્રાપ્ત તરીકે રજૂ કરવામાં આવશે.
ધોરણ 12 પછી આ કોર્સ કરી શકશો
એન્જીનિયરિંગ, ટેકનિકલ, વાસ્તુકલા અને ડિઝાઈન ડોમેનમાં નવ નવી ડિગ્રીઓ સ્પેસિફાઈડ કરવામાં આવી છે. 12મું ધોરણ પાસ કરનારા વિદ્યાર્થીઓ બેચલર ઓફ ફેશન ટેકનોલોજી, બેચલર ઓફ અર્બન ડિઝાઈન, બેચલર ઓફ સ્પોર્ટ્સ મેનેજમેન્ટ અને બેચરલ ઓફ સ્પોર્ટ્સ સાયન્સ માટે અરજી કરવાને પાત્ર હશે. એન્જીનિયરિંગ અને ટેકનિકલ, ફેશન અને ડિઝાઈનમાં નવા ડિગ્રી કોર્સ માટે બેચલર ઓફ ફેશન ટેક્નોલોજી અને બેચલર ઓફ અર્બન ડિઝાઈનનો સમયગાળો ચાર વર્ષ છે.
સત્તાવાર નોટિફિકેશન વાંચી લેવું
જેમણે સ્નાતકની ડિગ્રી કરી લીધી છે. તે ફેશન ટેક્નોલોજી, ફેશન મેનેજમેન્ટ, અર્બન ડિઝાઈન, સ્પોર્ટ્સ મેનેજમેન્ટ અને સ્પોર્ટ્સ સાયન્સમાં બે વર્ષની માસ્ટર ડિગ્રી માટે અરજી કરવાને લાયક હશે. નોટિફિકેશનમાં તમામ વિષયોને લઈને વિસ્તારથી જાણકારી આપવામાં આવી છે. ઉમેદવારોને સલાહ આપવામાં આવે છે કે, તે તમામ કોર્સ સંબંધિત જાણકારી સારી રીતે વાંચી લે.