UGC NET 2022 / UGCનું નોટિફિકેશન: માર્કિંગ સ્કીમમાં થયા મોટા ફેરફાર, પરીક્ષા ફીમાં થયો 10 ટકાનો વધારો

• UGC NET માટેની પરીક્ષાના ફોર્મ ભરાવાના શરૂ થયાં
• આ વખતે NTAએ કર્યા છે ઘણા ફેરફાર
• 82 વિષયોમાં લેવામાં આવશે પરીક્ષા

નેશનલ ટેસ્ટિંગ એજન્સી (NTA) એ તેની સત્તાવાર વેબસાઇટ પર UGC NET-2022 પરીક્ષા માટે અરજી પ્રક્રિયા શરૂ કરી છે. ઉમેદવારો યુજીસી નેટ જૂન 2022 અને ડિસેમ્બર 2021 મર્જ કરેલ સાયકલ માટે 20 મે 2022 સુધી ઑનલાઇન અરજી કરી શકે છે. NTAએ આ વર્ષે તેના માહિતી બુલેટિનમાં મહત્વપૂર્ણ ફેરફારો કર્યા છે. આ ફેરફારો મુખ્યત્વે અરજી ફી, વિષયોની સંખ્યા, પરીક્ષા કેન્દ્ર અને જવાબ પરના વાંધા સાથે સંબંધિત છે.

હવે UGC NET JRF પરીક્ષા 82 વિષયોમાં લેવામાં આવશે

અત્યાર સુધી યુજીસી નેટની પરીક્ષા 81 વિષયોમાં લેવાતી હતી. યુનિવર્સિટી ગ્રાન્ટ્સ કમિશન એટલે કે, UGC એ UGC-NET-2022 પરીક્ષામાં વધુ એક વિષય ઉમેર્યો છે. માહિતી બુલેટિન અનુસાર, વિષય સૂચિમાં એક નવો વિષય 'હિન્દુ સ્ટડીઝ' વિષય કોડ-102 ઉમેરવામાં આવ્યો છે.

અરજી ફીમાં 10% વધારો

NTA એ ડિસેમ્બર 2021 અને જૂન 2022 ના મર્જ કરેલ ચક્ર માટે UGC NET એપ્લિકેશન ફીમાં વધારો કર્યો છે. અરજી ફીમાં 10%નો વધારો થયો છે. જનરલ કેટેગરીની અરજી ફી 1000 રૂપિયાથી વધારીને 1100 રૂપિયા કરવામાં આવી છે. તે જ સમયે, EWS, OBC-NCL માટેની ફીમાં 50 થી 550 રૂપિયાનો વધારો કરવામાં આવ્યો છે. SC, ST, Pwd અને ટ્રાંસજેન્ડરની અરજી ફીમાં 25 રૂપિયાના વધારા સાથે હવે 275 રૂપિયા અરજી ફી તરીકે ચૂકવવા પડશે.

આ વખતે પરીક્ષા કેન્દ્રોની સંખ્યામાં 126%નો વધારો આ વર્ષે UGCએ NET પરીક્ષા કેન્દ્રોની સંખ્યામાં 126%નો વધારો કર્યો છે. આ વખતે આ પરીક્ષા 541 અલગ-અલગ શહેરોમાં લેવામાં આવશે. ગયા વર્ષે આ પરીક્ષા 239 જગ્યાએ લેવામાં આવી હતી. NTA એ તેની જાહેરાતમાં પરીક્ષા કેન્દ્ર શહેરોની સંપૂર્ણ યાદી પણ સામેલ કરી છે.

80% ઘટાડી ઓબ્ઝેક્શન ફી

ઉમેદવારોને વાંધો ઉઠાવવાની મંજૂરી આપવા માટે, NTA પરીક્ષા પછી તરત જ પ્રયાસ કરેલ જવાબ અને પ્રશ્નપત્ર સાથે પ્રારંભિક UGC NET આન્સર કી આપશે કરે છે. અગાઉ, ઉમેદવારોએ દરેક ઓબ્ઝેક્શન માટે 1,000 રૂપિયાની ફી ચૂકવવી પડતી હતી. હવે દરેક ઓબ્ઝેક્શન માટે 200 રૂપિયા ફી લેવામાં આવશે.

આ વખતે UGC NET પેપર CBT મોડમાં હશે

UGC NET ડિસેમ્બર 2021 અને જૂન 2022 ની મર્જ સાયકલ કમ્પ્યુટર આધારિત ટેસ્ટ એટલે કે, CBT મોડમાં હશે. પરીક્ષાનું આયોજન બે પાળીમાં કરવામાં આવશે. પેપરનો સમય 180 મિનિટ એટલે કે ત્રણ કલાક નક્કી કરવામાં આવ્યો છે. પ્રથમ પેપર સવારે 9 થી 12 અને બીજું બપોરે 3 થી 6 દરમિયાન લેવામાં આવશે. પ્રથમ પેપરમાં 100 માર્કસ હશે, બીજા પેપરમાં ઓબ્જેક્ટિવ પ્રકારના પ્રશ્નો હશે, જે 200 માર્કસના હશે. તમામ પ્રશ્નોનું ફરજિયાત છે. દરેક પ્રશ્ન બે ગુણનો રહેશે. પેપર અંગ્રેજી અને હિન્દી માધ્યમમાં જ હશે. યુજીસી નેટ તમામ કોરોના માર્ગદર્શિકાને અનુસરીને દેશભરના પરીક્ષા કેન્દ્રો પર લેવામાં આવશે.