દેશ / વિદ્યાર્થીઓ માટે મોટા સમાચાર, યુનિવર્સિટીમાં પ્રવેશ માટે CUET-PGનો કાર્યક્રમ જાહેર, UGC ચેરમેનનું એલાન

• CUET PG 2023નું રજિસ્ટ્રેશન આજથી શરૂ
• UGCનાં ચેરમેને ટ્વીટ પર આપી સમગ્ર માહિતી
• રજિસ્ટ્રેશનની છેલ્લી તારીખ 19 એપ્રિલ 2023 

CUET PG 2023નું રજિસ્ટ્રેશન આજથી શરૂ થઈ ગયું છે. ઉમેદવારો ઓફિશિયલ વેબસાઈટ ciet.nta.nic.inની મદદથી 19 એપ્રિલ 2023 સુધી અપ્લાય કરી શકશે. UGCનાં ચેરમેન એમ.જગદિશ કુમારે આ અંગે માહિતી આપી છે.CUET PG પરીક્ષાની મદદથી કેન્દ્રીય વિશ્વવિદ્યાલયો અને કોલેજોમાં પીજી કોર્સમાં એડમિશન મળે છે.

Information about the eligibility, scheme of exam, exam centers, exam timings, exam fee, procedure for applying etc. will be posted on NTA website by tonight https://t.co/HFg2hA0YAO

— Mamidala Jagadesh Kumar (@mamidala90) March 20, 2023

ચેરમેન એમ જગદીશ કુમારે કરી ઘોષણા
યૂજીસી ચેરમેન એમ જગદીશ કુમારે સમગ્ર શિડ્યૂલ ટ્વીટ કર્યું છે. આ એક્ઝામ રાષ્ટ્રીય પરીક્ષા એજન્સીની તરફથી આયોજિત કરવામાં આવશે. જો કે હજુ સુધી પરીક્ષાની તારીખ અને એડમિટ કાર્ડ અંગેની માહિતી જાહેર કરવામાં આવી નથી.

આ રીતે કરો રજિસ્ટ્રેશન:

• રજિસ્ટ્રેશન માટે સૌથી પહેલાં ઓફિશિયલ વેબસાઈટ cuet.nta.nic.in પર જાઓ.
• વેબસાઈટનાં હોમ પેજ પર latest notificationની લિંક પર ક્લિક કરવું.
• ત્યારબાદ CUET PG 2023 registration online લિંક પર જવું.
• પછીનાં પેજ પર તમને Apply Online પર ક્લિક કરવું.
• ત્યારબાદ તમામ માહિતી ભરીને રજિસ્ટ્રેશન કરવું.

રજિસ્ટ્રેશન પ્રક્રિયા ફીઝ જમા કર્યાં બાદ પૂર્ણ થશે. ગતવર્ષે રજિસ્ટ્રેશન ફીઝ જનરલ કેટેગરીનાં વિદ્યાર્થીઓ માટે 800 રૂપિયા લેવામાં આવ્યાં હતાં જ્યારે EWS અને OBC નાં ઉમેદવારો માટે 600 રૂપિયા નિર્ધારિત કરવામાં આવ્યાં હતાં. તો SC ST અને દિવ્યાંગો માટે ફીઝ 550 રૂ. નક્કી કરવામાં આવી હતી. ઓફિશિયલ વેબસાઈટમાં આ વર્ષની ફીઝ અંગે તમે વેબસાઈટ પર ડિટેલ્સ મેળવી શકશો.