સલાહ / આ દેશના એજ્યુકેશન વિઝા લેતા પહેલા વિચારી લેજો: વિદ્યાર્થીઓને UGCએ આપી સલાહ

• ચીનમાં અભ્યાસ અંગે UGCની સલાહ
• ચીનમાં એડમિશન લેતા પહેલા વિદ્યાર્થીઓ વિચારે - UGC
• કોરોનાને લઇ ચીને કડક નિયંત્રણો લગાડ્યા છે

દેશમાં એક તરફ કોરોનાની ચોથી લહેરને લઇને આશંકાઓ વ્યક્ત કરવામાં આવી રહી છે તો વિશ્વના અન્ય દેશોમાં તો કોરોનાના કેસોમાં વધારો જોવા મળી રહ્યો છે. અમેરિકા, યુરોપ સહિતના દેશોમાં કોરોનાના કેસ ઝડપથી વધવા લાગ્યાછે. તેમાં પણ ચીનમાં તો કોરોનાને કારણે સ્થિતિ બદ્દતર બની છે. તેવામાં ચીનમાં જઇને અભ્યાસ કરવા ઇચ્છતા હોવ તો સાવધાન થઇ જજો. કારણ કે ચીન દ્વારા કેટલાક કડક પ્રતિબંધો લાદવામાં આવ્યાછે. 

ચીનમાં અભ્યાસ અંગે UGCની સલાહ

યુનિવર્સિટી ગ્રાન્ટ કમિશન ઑફ ઇન્ડિયા દ્વારા ચીનની કોલેજોમાં શિક્ષણ મેળવવા ઇચ્છતા લોકો માટે એક મહત્વપૂર્ણ નોટિસ જાહેર કરી છે. UGC તરફથી કહેવામાં આવ્યું છે કે ચીનમાં ફરી એકવાર કોરોના વિકરાળ રુપ ધારણ કરી રહ્યો છે. ત્યાના મોટાભાગના શહેરોમાં તો લોકડાઉનની સ્થિતિ છે તેવામાં ચીનની કોલેજોમાં ભણવા ઇચ્છતા વિદ્યાર્થીઓએ પાડોશી દેશ દ્વારા લાગુ કરવામાં આવેલા કોવિડના પ્રતિબંધોથી અપડેટ રહેવુ જોઇએ. ત્યારે આવો જાણીએ યુજીસી દ્વારા ચીનમાં અભ્યાસ સંબંધિત શું સલાહ આપવામાં આવી છે.

'ઓનલાઇન માધ્યમથી મેળવેલી ડિગ્રીઓ માન્ય નહી'

યુજીસીએ જાહેર નોટિસમાં જણાવ્યું હતું કે નિયમો મુજબ, યુજીસી અને ઓલ ઈન્ડિયા કાઉન્સિલ ફોર ટેકનિકલ એજ્યુકેશન (એઆઈસીટીઈ) પૂર્વ પરવાનગી વિના માત્ર ઓનલાઈન મોડ દ્વારા આયોજિત આવા ડિગ્રી કોર્સને માન્યતા આપશે નહીં. આવી સ્થિતિમાં ચીનમાં પ્રવેશ લેવા માંગતા વિદ્યાર્થીઓએ સમજી વિચારીને પ્રવેશ લેવો જરૂરી છે.

'ચીનમાં ભણતા વિદ્યાર્થીઓને ઓનલાઇન જ અભ્યાસ કરવો પડે છે'

 કોરોનાને કારણે ચીનમાં ભણતા વિદ્યાર્થીઓનો અભ્યાસ અટકી ગયો છે. અને હવે તો કોરોનાએ ફરીથી ઉથલો મારતા ચીનમાં પહેલા જેવી જ સ્થિતિ જોવા મળી રહી છે. અત્યારે પણ ચીનમાં રહેતા વિદ્યાર્થીઓએ ઓનલાઇન જ અભ્યાસ કરવો પડે છે. અને પાછુ ઓનલાઇન માધ્યમથી મેળવેલી ડિગ્રી માન્ય ગણાતી નથી.

A few Universities in China have started issuing notices for admn to various degree programs for current & upcoming academic yrs.Any prospective student needs to be aware that Chinese Govt imposed strict travel restrictions in wake of COVID&suspended all visas since Nov 2020: UGC pic.twitter.com/0Cme7LgOAa

— ANI (@ANI) March 25, 2022

'2020થી ચીનના વિઝા રદ્દ કરાયા '

ચીનમાં પણ કોરોનાને કારણે ભારતીય વિદ્યાર્થીઓ સંકટનો સામનો કરી રહ્યા છે. કોરોનાને કારણે 2020થી ચીનના વિઝા રદ્દ કરાયા છે. ભારતીય વિદ્યાર્થીઓએ એડમિશન લીધુ છે તેઓ  વિઝાની રાહ જોઇ રહ્યા છે. આ અંગે ભારત દ્વારા વિદ્યાર્થીઓના શિક્ષણને લઇને ચીનને રજૂઆત પણ કરવામાં આવી પરંતુ ચીન તરફથી કોઇ સકારાત્મક જવાબ મળ્યો નથી.

જાણો શું છે UGC નોટિસમાં 

UGC એ કહ્યું છે કે, “આ સંદર્ભમાં, કોઈપણ સંભવિત વિદ્યાર્થીએ જાણવું જોઈએ કે ચીનની સરકારે કોવિડ-19ને ધ્યાનમાં રાખીને કડક મુસાફરી પ્રતિબંધો લાદ્યા છે અને નવેમ્બર 2020થી તમામ વિઝા સસ્પેન્ડ કરી દીધા છે. આ પ્રતિબંધોને કારણે મોટી સંખ્યામાં ભારતીય વિદ્યાર્થીઓ પોતાનો અભ્યાસ ચાલુ રાખવા માટે ચીન પરત ફરી શક્યા નથી. ઉલ્લેખનીય છે કે આ નોટિસ એવા સમયે જારી કરવામાં આવી છે જ્યારે ચીનની કેટલીક યુનિવર્સિટીઓ દ્વારા વર્તમાન અને આગામી શૈક્ષણિક વર્ષ માટે વિવિધ ડિગ્રી કોર્સમાં પ્રવેશ માટે અગાઉ નોટિસ જારી કરવામાં આવી છે.