BIG NEWS / UGCની નવી ગાઈડલાઈન: યુનિવર્સિટીઓ અને કોલેજમાં સ્પોર્ટ્સ વિષય ફરજિયાત રહેશે, આટલા કામ કરવા પડશે

• દેશભરની યુનિવર્સિટીઓ અને કોલેજોને આદેશ
• UGCએ આપ્યા મોટા આદેશ
• રાષ્ટ્રીય શિક્ષણ નીતિ અંતર્ગત આ કામ કરવું પડશે

દેશભરની યુનિવર્સિટીઓ અને ઉચ્ચ શિક્ષણ સંસ્થાઓ હવે વિદ્યાર્થીઓને શારીરિક, માનસિક ફિટનેસ અને ભાવનાત્મક સ્વાસ્થ્યનું ધ્યાન રાખવું જરૂરી છે. યુનિવર્સિટી ગ્રાંટ કમિશનની ઉચ્ચ સ્તરિય કમિટીએ રાષ્ટ્રીય શિક્ષણ નીતિ 2020ની ભલામણ અંતર્ગત ફિઝિકલ ફિટનેસ, સ્પોર્ટ્સ, સ્ટૂડેંટ હેલ્થ, વેલફેર, માનસિક અને ભાવનાત્મક સ્વાસ્થ્ય પર આધારિત પ્રથમ ગાઈડલાઈન તૈયાર કરી લીધી છે. 

તેને બુધવારે રાજ્યો અને યુનિવર્સિટીઓ માટે જાહેર કરી દેવામાં આવી છે. આગામી શૈક્ષણિક સત્રથી યુનિવર્સિટીઓ અને કોલેજોમાં સ્પોર્ટ્સ ફરજિયાત વિષય હશે. તેમાં વિદ્યાર્થીઓને સ્પોર્ટ્સ સાથે જોડાયેલી એક્ટિવિટીથી જોડવામાં આવશે. ખાસ વાત એ છે કે, ઉચ્ચ શિક્ષણ સંસ્થામાં હવે ફિઝિટકલ અને મેંટલ હેલ્થ કાઉંસિલર ઉપરાંત હેલ્થ એક્સપર્ટ પણ રાખવા ફરજિયાત છે. 

વિદ્યાર્થીઓના હિતમાં હશે આ નિર્ણય

શાળાઓમાં તો સ્પોર્ટ્સ ફરજિયાત વિષય રહે જ છે. પણ હવે કોલેજોમા અને યુનિવર્સિટીઓ માં વિકલ્પ તરીકે રહે છએ. આ વિષયો ફરજિયાત કરવા પાછળનું કારણ એ છે કે, કેમ્પ્સમાં તમામ વિદ્યાર્થીઓ અભ્યાસ દરમિયાન સ્પોર્ટ્સ એક્ટિવિટી સાથે જોડાયેલ રહે. નિષ્ણાંતોનું માનીએ તો, સ્પોર્ટ્સ સહિત આવી પ્રવૃતિઓથી વિદ્યાર્થીઓને અભ્યાસ સહિત અન્ય તણાવ દૂર કરવામાં મદદ મળશે. આ અગાઉ યુજીસીએ 2019માં ઉચ્ચ શિક્ષણ સંસ્થાઓને ફિટનેસ પ્લાન મોકલ્યો હતો. તેમાં તમામ સ્કૂલોના આધારે એક કલાક સ્પોર્ટ્સ પિરિયડ રાખવો ફરજિયાત કર્યો હતો. તેમાં સ્પોર્ટ્સ એક્ટિવિટી, યોગ, સાયકલિંગનો વિકલ્પ આપવામાં આવ્યો હતો. આ ઉપરાંત નૃત્ય, પરંપરાગત વિદ્યાઓના માધ્યમથી ફિટનેસ પર ભાર આપવામાં આવ્યો હતો. દર ત્રણ મહિનામાં સ્પોર્ટ્સ કાર્યક્રમ આયોજીત થશે.

સ્ટૂડેંટ સર્વિસ સેન્ટર બનાવાના રહેશે

તમામ યુનિવર્સિટીઓ અને કોલેજોમાં હવે સ્ટૂડેંટ સર્વિસ સેન્ટર બનાવાના રહેશે. ડાયરેક્ટર અથવા ડીન સ્તર પર પ્રોફેસર રેંક અથવા તો શારીરિત શિક્ષકને આ જવાબદારી સોંપવાની રહેશે. ઓન લાઈન મોડ અથવા તો ટેલિફોન પર કાઉંસલિંગ કરવામાં આવશે. આ બધું સિંગલ વિંડો સિસ્ટમ અંતર્ગત કામ કરશે. આ ઉપરાંત મહિલાઓ અને ગામડાના પછાત બાળકોની મદદ કરવાનું પણ શિખવાડવામાં આવશે.